“Одиссея” Универсал тарихидаги энг кассабоп филмга айланди
“Одиссея” Универсал тарихидаги энг кассабоп филмга айланди
Кристофер Нолан режиссёрлигида суратга олинган “Одиссея” филми Универсал Пистурес киностудияси тарихида энг кўп даромад келтирган филм бўлди.
“Одиссея” — Кристофер Ноланнинг энг муҳим филми ҳақида
114 йил аввал ташкил этилган кинокомпания бу хабарни 12-сентябр, шанба куни маълум қилди. Ўша пайтда филмнинг АҚШдаги йиғимлари 601,2 миллион долларга, бутун дунё бўйлаб эса 1,083 миллиард долларга етгани айтилган эди. Шу тариқа, филмнинг умумжаҳон кассаси рекорд даражадаги 1,68 миллиард долларни ташкил этди.
“Крис [Нолан] ва Эмма [Томас] яратган асар кинематография тарихидаги энг ҳашаматли ва бенуқсон ишланган филмлардан бири сифатида тарихга киради. Бу бутун бир киноихлосмандлар авлодини илҳомлантирадиган ҳодисадир”, дея изоҳ берди НБСУниверсал Энтертаинмент директорлар кенгаши раиси Донна Ленгли.
“Одиссея” яқинда, прокатининг саккизинчи ҳафтасида, кассада яна биринчи ўринни эгаллади. Шунингдек, ушбу лойиҳа Нолан фаолиятидаги энг муваффақиятли филмга айланди ва 1 миллиард доллар тўплаган илк комикс экранизацияси — унинг “Қора рицар: Афсонанинг қайтиши” картинасини ортда қолдирди.
Бундан ташқари, “Одиссея” тарихда Р рейтингига эга энг кассабоп филм, шунингдек, ИМАХ форматидаги энг даромадли кинокартина бўлди.
“Одиссея” жаҳон прокатига 17-июл куни чиқди. Гомер достонига асосланган филм Одиссейнинг Троя урушидан кейин уйига қайтиши ҳақида ҳикоя қилади.
Филмда Метт Деймон (Одиссей), Энн Ҳетеуей (Пенелопа, Одиссейнинг рафиқаси), Том Ҳолланд (Телемах), Роберт Паттинсон (Антиной), Эллиот Пейж (Синон), Лупита Нионго (Гўзал Елена), Зендея (маъбуда Афина), Шарлиз Терон (нимфа Калипсо), Бенни Сафди (Агамемнон) ва Миа Гот (Меланфо) рол ижро этган.