Оддий принтер сурати ғолиб бўлди: микроскоп остидаги ҳайратланарли дунё
Сиёҳнинг қоғозга тушиши, танасига гул чанги ёпишган ўргимчак ва сичқон миясидаги нейронлар - Никон Смалл Ворлд 2026 микрофотография танловида шу тасвирлар энг юқори ўринларни эгаллади. Бу йил 69 мамлакатдан 1803 та сурат тақдим этилган танловда ҳакамлар жами 86 та ишни эътироф этди.
Оддий принтер тасвири ғолиб чиқди: микроскоп остидаги ҳайратланарли олам
Никон компанияси микроскоп ёрдамида олинган энг таъсирли суратларни танлайдиган танловини 52-марта ўтказди. Ғолиб ишлар одатда кўз илғамайдиган тафсилотлар орқали кундалик ҳаётга бошқача нигоҳ ташлаш имконини беради.
Биринчи ўрин Германиянинг Кёлн шаҳридаги талаба ва тажрибали фотограф Оле Билфелдтга насиб этди. У пуркагичли принтернинг қоғозга сиёҳ тушириш жараёнини микроскоп орқали тасвирга олган.
Билфелдт бунинг учун ўзи махсус суратга олиш мосламасини ясаган. Унинг Масрофьинг номли лойиҳаси ҳам оддий буюм ва жараёнларни микрофотография орқали кутилмаган жиҳатдан намойиш этишга бағишланган.
Фотографнинг айтишича, принтерда чоп этиш жараёни шу қадар тез ва такрорийки, одамлар унинг микроскопик даражада қандай кечиши ҳақида деярли ўйламайди. Камера эса ана шу одатий жараённинг кўзга кўринмас тафсилотларини очиб беради.
Иккинчи ўринни Жон-Оливер Данн эгаллади. Унинг суратида танасига гул чанги ёпишган сакровчи ўргимчак — Салтисус ссенисус тасвирланган.
Учинчи ўрин Каелин Вулф ва Рейчел Фланнерининг сичқон миясидаги нейронлар акс этган ишига берилди.
Танловда юқори баҳоланган бошқа ишлар орасида ҳашаротлар, ўсимликлар, ҳужайралар ва ҳатто электр разряди таъсиридаги қалам грифели тасвирлари ҳам бор.