Ўзбекистоннинг бир йўла икки вилоятида деярли бир килограмм гиёҳвандлик воситалари мусодара қилинди
Ўзбекистоннинг бир йўла икки вилоятида деярли бир килограмм гиёҳвандлик моддаси мусодара қилинди
Андижон ва Фарғона вилоятларида гиёҳвандлик моддаларининг ноқонуний айланиши билан боғлиқ иккита ҳолатга чек қўйилди. Давлат хавфсизлик хизмати ходимлари томонидан Ички ишлар вазирлиги билан ҳамкорликда ўтказилган тезкор тадбирлар давомида бир килограммга яқин тақиқланган моддалар мусодара қилинди.
ДХХ матбуот хизмати хабар беришича, Булоқбоши туманида Nexia автомобили тўхтатилган. Икки нафар 47 ва 41 ёшли маҳаллий фуқародан 470 грамм гашиш мусодара қилинган. Сўроқ маълумотларига кўра, тақиқланган модда қўшни давлатдан контрабанда йўли билан олиб кирилган.
Иккинчи ҳолатда, Фарғона туманида яшовчи 58 ёшли эркакнинг уйидан 482 грамм қуритилган кўкнор топилган. Жиноят ишлари қўзғатилиб, тергов ҳаракатлари давом эттирилмоқда.
Операциялар давомида 1,2 килограммдан ортиқ гашиш ва юзлаб дона "Тропикамид" мусодара қилинди.