Ўзбекистонлик спортчи Бишкекда ўтказилган парашахмат бўйича турнирда олтин медални қўлга киритди ва Осиё чемпиони бўлди

Ўзбекистонлик спортчи Бишкекдаги парашахмат бўйича турнирда олтин медални қўлга киритди ва Осиё чемпиони бўлди

Ўзбекистон терма жамоаси вакили Аҳадхон Кимсанбоев парашахмат бўйича Осиё чемпионатининг олтин медалини қўлга киритди. Спортчи Бишкекда (Қирғизистон) ўтказилаётган рапид бўйича мусобақаларда биринчи ўринни эгаллади.

Тўртинчи парашахмат бўйича Осиё чемпионатида Кимсанбоев ажойиб натижа кўрсатиб, мумкин бўлган беш очкодан 4,5 очко жамғарди.

Беш тур якунларига кўра, ўзбекистонлик шахматчи рақибларини ортда қолдириб, рапид йўналишида турнир ғолибига айланди.

Бу Кимсанбоев учун биринчи йирик муваффақият эмас: аввалроқ у Болгариянинг София шаҳрида кўзи ожиз ва заиф кўрувчи спортчилар ўртасида ўтказилган IBSA шахмат турнирида жаҳон чемпиони бўлган эди.