Ўзбекистонга электромобиллар импорти 1,7 баробарга ошди
Божхона қўмитаси 2026 йилнинг январь–август ойларида Ўзбекистонга енгил автомобиллар импорти, асосан, электромобиллар ҳисобига 1,103 млрд долларгача ошганини маълум қилди.
Ўзбекистонга электромобиллар импорти 1,7 бараварга ошди
2026 йилнинг январь–август ойларида Ўзбекистонга енгил автомобиллар импорти 1,103 млрд долларга етди, бу ўтган йилнинг шу давридаги кўрсаткичга (639,2 млн доллар) нисбатан 72,6% га кўпдир. Бундай маълумотларни Ўзбекистон Божхона қўмитаси тақдим этди.
Импорт таркибида энг катта улушни электромобиллар эгаллади: уларнинг олиб кирилиши пул ифодасида 71,5% га — 358,3 млн доллардан 614,4 млн долларгача, миқдор жиҳатидан эса 89,6% га — 28 920 тадан 54 826 тагача ошди.
Бензинли двигателли автомобиллар импорти қиймат ифодасида 6,1% га — 232,7 млн доллардан 246,9 млн долларгача ошди, бунда уларнинг сони 17,1% га — 11 163 тадан 13 070 тагача кўпайди.
Нисбий ифодада энг сезиларли ўсишни бензин ва электр токида ишлайдиган гибрид автомобиллар импорти кўрсатди: уларнинг қиймати 5,2 бараварга — 46,1 млн доллардан 240,0 млн долларгача, сони эса 5,5 бараварга — 2 023 тадан 11 130 тагача ошди.
Дизелли двигателли автомобиллар импорти эса, аксинча, камайди: қиймат ифодасида — 29,1% га, 2,1 млн доллардан 1,5 млн долларгача, сони бўйича эса — 78,0% га, 91 тадан 20 тагача қисқарди.