Ўзбекистонга 1,1 миллиард сўмлик контрабанда эҳтиёт қисмлари туркумини олиб киришга уринишди
Ўзбекистонга 1,1 миллиард сўмлик контрабанда эҳтиёт қисмлари туркумини олиб киришга уринишди
Андижон вилоятидаги «Дўстлик» постида божхоначилар декларацияларда кўрсатилмаган йигирма мингдан ортиқ велосипед ва электромотороллер бутловчи қисмларини аниқлашди. Юкнинг дастлабки қиймати бир миллиард сўмдан ошди.
Божхона ходимлари номувофиқликларни Ўзбекистонга кириб келаётган автотранспорт ҳужжатларини текшириш чоғида пайқашди. Мутахассислар юк ҳужжатларини электрон декларациялар билан солиштириб, қўшимча кўрикдан ўтказиш тўғрисида қарор қабул қилишди.
Автомобиллар «қизил» йўлакка йўналтирилди. Текширув давомида юкнинг бир қисми тақдим этилган ҳужжатларда мавжуд эмаслиги маълум бўлди.
Хусусан, божхоначилар 23 минг дона велосипед шинаси ва электромотороллерлар учун 2,2 минг дона қўрғошинли аккумуляторларни аниқлашди. Уларнинг умумий дастлабки қиймати 1,135 миллиард сўмни ташкил этади.
Барча маҳсулотлар олиб қўйилди ва вақтинчалик сақлашга жойлаштирилди. Қарор текширув якунланганидан кейин қабул қилинади.