Ўзбекистондан 900 га яқин талаба Россия олий ўқув yurtларида атомчилик мутахассислиги бўйича таҳсил олмоқда
900 га яқин Ўзбекистон фуқароси Россия олий ўқув юртларида атом ва турдош мутахассисликлар бўйича таҳсил олмоқда. Соҳа учун кадрлар тайёрлаш доирасида бўлажак мутахассислар Россиядаги фаолият юритаётган реакторларда амалиёт ўтамоқда ва махсус тренажёрларда ишлашни ўзлаштирмоқда.
Ўзбекистондан 900 га яқин талаба Россия олий ўқув юртларида атом таълимини олмоқда
900 га яқин Ўзбекистон фуқароси Россия университетларида атом ва турдош йўналишлар бўйича таҳсил олмоқда. Соҳа учун кадрлар тайёрлаш жараёнида бўлажак мутахассислар амалдаги Россия реакторларида амалиёт ўтамоқда ва махсус тренажёрларда кўникмаларини мустаҳкамламоқда.
Бу ҳақда "Росатом" раҳбари Алексей Лихачев 23 октябрь куни "Атом-2050" ёшлар форумида маълум қилди. яна 350 га яқин талаба МИФИнинг Тошкент филиалида таҳсил олмоқда.
Кичик атом реакторлари учун ходимларни тайёрлашга алоҳида эътибор қаратилмоқда. Ўзбекистондаги бундай қурилмаларда ишлаш учун мутахассисларни ўқитиш бўйича дастлабки шартномалар 2027 йилда кутилмоқда.
Бу орада бўлажак АЭС майдонида минг ортиқ киши меҳнат қилмоқда. Лихачевнинг сўзларига кўра, келгуси йилда уларнинг сонини икки бараварга ошириш режалаштирилган, қурилиш авж олган пайтда эса бу кўрсаткич 12–13 минг кишигача ўсиши мумкин. "Росатом" раҳбари, шунингдек, Ўзбекистон пудратчилари лойиҳа бўйича ишларнинг 40 фоизигача бўлган қисмини бажариши мумкинлигини айтди.
Лихачев, шунингдек, "Росатом" амалдаги лойиҳа якунлангач, Ўзбекистондаги янги атом лойиҳаларида иштирок этишга тайёрлигини қўшимча қилди. У ҳамкорликни эҳтимолий кенгайтиришнинг аниқ параметрларини очиқламади.
Куни кеча "Ўзатом" ва "Росатом" делегациялари Жиззах вилоятининг Фориш туманида атомчилар шаҳарчаси қурилаётган майдонда бўлди. Лойиҳа 33 мингга яқин аҳоли учун 10 мингга яқин хонадон, шунингдек, мактаблар, боғчалар, тиббиёт муассасалари ва бошқа инфратузилма объектларини қуришни назарда тутади.