Ўзбекистонда Ветеринария ва чорвачиликни ривожлантириш қўмитаси тугатилди
Ўзбекистонда Ветеринария ва чорвачиликни ривожлантириш қўмитаси ўз фаолиятини тугатди
Ўзбекистон Ветеринария ва чорвачиликни ривожлантириш қўмитаси ўз фаолиятини расман якунлади. Унинг вазифалари эндиликда иккита янги идора ўртасида тақсимланди.
Аввалроқ, президентнинг 2026 йил 12 майдаги фармонига мувофиқ, Ветеринария ва чорвачиликни ривожлантириш қўмитаси ҳамда Ўсимликлар карантини ва ҳимояси агентлиги негизида Озиқ-овқат хавфсизлиги қўмитаси ҳамда Чорвачилик ва яйлов хўжалигини ривожлантириш агентлиги ташкил этилган эди.
Янги тузилмалар тегишли вазифалар, ҳуқуқ ва мажбуриятлар, шунингдек, шартномалар ва халқаро битимлар бўйича аввалги ташкилотларнинг ҳуқуқий ворисларига айланди.
Ҳар икки идора аллақачон ўз иш фаолиятини бошлади ва давлат рўйхатидан ўтди.
Шу муносабат билан Ветеринария ва чорвачиликни ривожлантириш қўмитаси ўз фаолияти тўлиқ тўхтатилганини маълум қилди.
Эндиликда ушбу соҳадаги масалалар бўйича фуқаролар ва ташкилотлар Озиқ-овқат хавфсизлиги қўмитасига ёки Чорвачилик ва яйлов хўжалигини ривожлантириш агентлигига мурожаат қилишлари лозим.