Ўзбекистонда сувдан бўлган қарздорлик 542 миллиард сумдан ошди
Ўзбекистонда сувдан қарздорлик 542 миллиард сўмдан ошди
Ўзбекистонда истеъмолчиларнинг ичимлик суви таъминоти ва оқова сув хизматларидан жами қарзи 542,6 миллиард сўмга етди. Ушбу сумманинг 430 миллиард сўми аҳоли ҳиссасига, яна 111 миллиард сўми юридик шахсларга тўғри келади.
Бу ҳақда 30 октябрь куни ўтказилган матбуот анжуманида "Ўзсувтаъминот" АЖ вакиллари маълум қилди.
Компания маълумотларига кўра, 2026 йилнинг тўққиз ойи давомида қарздорлиги бўлган 23 минг истеъмолчи ичимлик суви тармоғидан узилди. Бундан ташқари, 122 мингта ҳолатда умумий суммаси 265 миллиард сўмлик қарзлар суд органларига оширилди.
Текширувлар давомида мутахассислар 8,6 мингта қоидабузарликни аниқлади. Шундан 4,6 мингта ҳолат сув қувурлари тармоғига ноқонуний уланиш билан боғлиқ бўлган. Зарар 112 миллиард сўмга баҳоланди, шундан матбуот анжумани ўтказилган вақтгача 30 миллиард сўми ундирилди.
"Ўзсувтаъминот"да шунингдек, йил бошига нисбатан бир миллион сўмдан ортиқ қарзи бўлган йирик қарздорлар сони 4,4 мингтага камайганини маълум қилишди. Уларнинг қарздорлик суммаси 5,4 миллиард сўмга камайди. Хизматлар учун бир йилдан ортиқ вақт давомида тўлов қилмаган истеъмолчилар сони 46,3 мингтага ёки 4 фоизга камайди.
Шу билан бирга, компания вакиллари томонидан очиқланган маълумотларда тафовут мавжуд: умумий қарз суммаси 542,6 миллиард сўмни ташкил этади, ваҳоланки аҳоли ва юридик шахсларнинг қарздорлиги биргаликда 541 миллиард сўмга этади. Фарқ 1,6 миллиард сўмни ташкил қилмоқда.