Ўзбекистонда сув бўйидаги туризм объектлари учун имтиёзлар жорий этилмоқда
Ўзбекистонда сув бўйидаги туризм объектлари учун имтиёзлар жорий этилмоқда
Сув омборлари ва уларга туташ ҳудудларда туризмни ривожлантираётган Ўзбекистон тадбиркорларига солиқлар камайтирилади ва божхона тўловлари бўйича кечиктириш берилади. Бу имтиёзлар 2029 йил 1 октябргача амал қилади.
Тегишли қарор Президентнинг 2026 йил 27 октябрдаги қарори билан мустаҳкамланди.
Юридик шахслар учун ер солиғи ва мол-мулк солиғи ставкалари амалдаги миқдорларнинг 50 фоизи даражасида белгиланади. Бундан ташқари, сув транспорти учун GPS-ускуналари, қутқарув ва ҳимоя воситалари, шунингдек, замонавий санитария-гигиена модуллари олиб кирилганда божхона тўловларини 120 кунгача кечиктириш ёки бўлиб-бўлиб тўлаш мумкин бўлади.
Имтиёзлар билан бир вақтда хавфсизлик ва экология бўйича қаътий талаблар жорий этилмоқда. Туристик объектлар ташриф буюрувчиларни ҳимоя қилишнинг зарур воситалари билан жиҳозланган бўлиши, фавқулодда вазиятлар учун эса ўз қутқарув хизматини ташкил этиши ёки профессионал қутқарувчилар билан шартнома тузиши керак.
Тадбиркорлар, шунингдек, кичик ҳажмли кемалар ва уларнинг тўхташ жойларини эксплуатация қилиш қоидаларига риоя этишлари, бундан ташқари, объектларни ички канализация ва локал оқова сувларни тозалаш иншоотлари билан жиҳозлашлари лозим. Тозаланмаган оқова сувларни сув ҳавзаларига оқизиш тақиқланади, маиший чиқиндиларни эса белгиланган тартибда утилизация қилиш зарур.
Аввалроқ Бухоро вилоятининг Пешку туманида кенг жамоатчилик муҳокамасига сабаб бўлган янги сув ҳавзаси пайдо бўлган эди. Гидрометеорология илмий-тадқиқот институти олимлари уни ўрганиб, келиб чиқишини тушунтириб беришди.