Ўзбекистонда рақамли "Балиқчи харитаси" яратилади
Ўзбекистонда ҳаваскорлик балиқ овлаш учун асосий хизматларни ягона платформада бирлаштирувчи Fisherman ID («Балиқчи картаси») рақамли тизимини ишга тушириш режалаштирилмоқда. У орқали балиқчилик билетларини расмийлаштириш, улар учун тўлов қилиш, жойларни банд қилиш ва QR-рухсатномаларни олиш мумкин бўлади.
Экология ва иқлим ўзгариши миллий қўмитаси тизимнинг потенциал ишлаб чиқувчиларидан тижорат таклифларини қабул қилишни бошлаб юборди.
Лойиҳа талабларига мувофиқ, очиқ портал ва балиқ овлаш ҳудудларининг электрон реестрини, фойдаланувчининг шахсий кабинетини, балиқчилик билетларини расмийлаштириш ва тўлаш тизимини, шунингдек, банд қилиш ва QR-рухсатномаларни бериш хизматини яратиш зарур.
Бундан ташқари, Fisherman ID тизимида маркетплейс, мобил илова ҳамда Payme, Click тўлов хизматлари ва бошқа зарур платформалар билан интеграция кўзда тутилган.
Тизимни яратиш Президентнинг балиқчилик тармоғини ривожлантириш тўғрисидаги фармонида кўзда тутилган. Fisherman ID балиқчилик ҳаваскорларининг ягона электрон реестрини ва имтиёзли йиллик абонементни ўз ичига олиши керак. Абонементлардан тушган маблағларни сув ҳавзаларини тозалаш ва табиий сув объектларини балиқлантиришга йўналтириш режалаштирилмоқда.
, Сирдарёда браконьерларга қарши ўтказилган рейд давомида Экополиция инспектори ҳалок бўлгани ҳақида. Дастлабки маълумотларга кўра, у электр қармоқ билан ноқонуний балиқ овлаётган шахсларни қўлга олишга уриниш пайтида сувга тушиб кетган.