Ўзбекистонда пахта ҳосилдорлиги 56,2 ц/га га етди
Жорий маълумотларга кўра, Узбекистонда пахта ҳосилдорлиги 2026 йилда 56,2 ц/га ни ташкил этди, бу 1990 йилдан бери энг юқори кўрсаткичдир, ва ҳосил йиғими қарийб 5 млн тоннани ташкил қилди.
Ўзбекистонда пахта ҳосилдорлиги 56,2 ц/га га етди
Жорий маълумотларга кўра, 2026 йилда Ўзбекистонда пахта ҳосилдорлиги гектаридан 56,2 центнерни ташкил этди. Бу 1990 йилдан бери бутун давр ичидаги энг юқори кўрсаткичдир. 890 минг гектар экин майдонидан 5 млн 2 минг тонна пахта йиғиб олинди.
2025 йилда пахта 876 минг гектар майдонда етиштирилган, ялпи ҳосил 3 млн 986 минг тоннани, ҳосилдорлик эса гектаридан 45,5 центнерни ташкил этган эди. Бир йил ичида экин майдонлари 14 минг гектарга кенгайди, ҳосил йиғими тахминан 1 млн 16 минг тоннага ошди, ҳосилдорлик эса 10,7 центнерга кўпайди. 2024 йилда 1 млн 4 минг гектар майдондан гектаридан 31,7 центнер ҳосилдорлик билан 3 млн 181 минг тонна пахта олинган эди.
Жорий маълумотларга кўра, 2026 йилдаги ишлаб чиқариш ҳажми кўриб чиқилаётган бутун давр ичида катталиги бўйича иккинчи бўлди. Бундан юқори кўрсаткич фақат 1990 йилда қайд этилган — 5 млн 58 минг тонна. Ўшанда пахта 1 млн 830 минг гектар майдонда етиштирилган, ҳосилдорлик эса 27,6 центнерни ташкил этган. Шундай қилиб, экин майдонлари икки баравардан кўпроққа қисқарган ва ҳосилдорлик тахминан икки бараварга ошган бўлса-да, ҳозирги ҳосил йиғими 1990 йилги даражага деярли тенглашди.
Умуман олганда, ғўза майдонлари бутун давр мобайнида қисқариб борди: 1990 йилдаги 1 млн 830 минг гектардан 2000 йилда 1 млн 377 минг, 2010 йилда 1 млн 318 минг ва 2020 йилда 1 млн 34 минг гектаргача. Энг кичик майдон 2025 йилда қайд этилган — 876 минг гектар.
1990 йилдан 2018 йилгача ҳосилдорлик гектаридан 20,6 дан 27,6 центнергача бўлган оралиқда бўлган. Энг паст кўрсаткич 2003 йилга тўғри келган. 2019 йилдан бошлаб кўрсаткич ўса бошлади: 2019 йилда 27,4 центнер, 2020 йилда 29,6, 2021 йилда 32,4, 2022 йилда 33,8 ва 2023 йилда 36,6 центнер. 2025 йилгача айнан охирги кўрсаткич статистикадаги энг юқориси бўлиб қолаётган эди.
Бутун давр ичидаги энг паст ялпи ҳосил 2018 йилда қайд этилган: 1 млн 71 минг гектар экин майдони ва гектаридан 21,6 центнер ҳосилдорликда 2 млн 310 минг тонна.