Ўзбекистонда минглаб доллар эвазига умра сафарини ташкиллаштиришни ваъда қилган навбатдаги фирибгарлар ушланди
Ўзбекистонда минглаб доллар эвазига умра сафарини ташкил этишни ваъда қилган янги фирибгарлар ушланди
Самарқанд ва Наманган вилоятларида кичик ҳаж зиёратини ноқонуний ташкил этиш бўйича навбатдаги уринишларнинг олди олинди. Жинсиятчилар одамларни Саудия Арабистонига юборишни ваъда қилиб, бунинг эвазига минглаб доллар талаб қилишган.
Хусусан, Самарқандда оилавий корхона вакиласи фуқаролардан бирига ўзи ва икки нафар қариндоши учун умра сафарини ташкил этишни таклиф қилган. Сафар ва зиёратнинг барча амалларини бажариш имконияти учун у 3,4 минг доллар талаб қилган.
Аёл 3 минг долларни олаётган вақтда Давлат хавфсизлик хизмати ва вилоят ички ишлар бошқармаси ходимлари томонидан ушланди. Унга нисбатан жиноят иши қўзғатилиб, тергов ҳаракатлари олиб борилмоқда.
Яна бир ҳолат Наманган вилоятида юз берди. Наманган туманида фаолият юритувчи МЧЖ раҳбари Учқўрғон туманида яшовчи фуқарога 1,35 минг доллар эвазига ноқонуний равишда умра сафарини ташкил этишни ваъда қилган. У 1,2 минг доллар бўнакни олаётганда ДХХ ва ички ишлар органлари ходимлари томонидан қўлга олинди. Ҳозирда терговга қадар текширув ўтказилмоқда.
Давлат хавфсизлик хизмати фуқароларни зиёрат ташкилотчиларида лицензия мавжудлигини текширишга, шубҳали таклифларга ишонмасликка ва пул ўтказмаларига эътиборли бўлишга чақирди.
Аввалроқ Фарғона вилоятида ноқонуний умра сафарининг навбатдаги ташкилотчиси ушланган эди.