Ўзбекистонда экспортчилар учун ҚҚС автоматик тарзда ҳисоблана бошланади
Солиқ қўмитаси экспортчилар ҳисоботининг яна бир қисмини автоматик режимга ўтказмоқда. 2026 йил 1 сентябрдан бошлаб экспорт операциялари бўйича келиб тушган валюта тушумлари тўғрисидаги маълумотларни қўлда киритиш талаб этилмайди — маълумотлар божхона органларининг маълумотлари асосида шакллантирилади. Бу ҳақда Солиқ қўмитасининг 2026 йил 7 сентябрдаги билдиришномасида сўз боради. Ўзгаришлар ҚҚС бўйича ҳисоботларга дахлдор бўлди. […]
Ўзбекистонда экспортчилар учун ҚҚС автоматик тарзда ҳисоблана бошланади
Солиқ қўмитаси экспортчилар ҳисоботининг яна бир қисмини автоматик режимга ўтказмоқда. 2026 йил 1 сентябрдан бошлаб экспорт операциялари бўйича келиб тушган валюта тушуми тўғрисидаги маълумотларни энди қўлда киритиш талаб этилмайди — маълумотлар божхона органларининг ахбороти асосида шакллантирилади.
Бу ҳақда Солиқ қўмитасининг 2026 йил 7 сентябрдаги билдиришномасида сўз боради.
Ўзгаришлар ҚҚС бўйича ҳисоботларга дахлдор бўлди. Экспортга жўнатилган товарлар бўйича валюта тушуми тўғрисидаги маълумотлар энди экспортчилар учун ҚҚС ҳисоб-китобининг 3-иловаси 060 ва 070-сатрларида, шунингдек, 6-иловаси 01042-сатрида автоматик тарзда акс эттирилади.
Бунинг учун солиқ тўловчиларга ҚҚС бўйича алоҳида ҳисоботлар пакети тақдим этилади. Нашр этилган вақтда у ҳали my.soliq.uz сайтидаги ҳисоботлар таркибида пайдо бўлмаган эди.
ҚҚСни бир кунда қайтаришни ваъда қилишмоқда
2026 йил 1 октябрдан бошлаб, янги ҳисоботлар пакети тақдим этилганда, ҚҚС бўйича салбий фарқ суммаси қонунчиликда белгиланган тартибда бир кун ичида автоматик равишда қайтарилади.
Бунда қайтариш тезлиги ҳамма учун автоматик тарзда қоплаб беришни англатмайди: жараёнда солиқ хавфини баҳолаш натижалари ҳисобга олинади.
Шу тариқа, экспортчилар учун ҚҚС билан ишлашнинг бир йўла бир нечта элементлари — валюта тушуми тўғрисидаги маълумотларни шакллантиришдан тортиб, солиқни қайтариш механизмигача ўзгармоқда.
Аслида, экспорт операциялари бўйича солиқ ҳисоботи янада автоматлаштирилган тус олмоқда: валюта тушуми тўғрисидаги маълумотлар тизимга давлат ахборот ресурсларидан келиб тушиши, ҚҚСни ҳисоблаш ва кейинчалик қоплаб бериш эса бизнеснинг қўл меҳнати иштирокини камайтирган ҳолда амалга оширилиши керак.