Ўзбекистонда экостикер йўқлиги учун жарима солиниши ҳақидаги хабарлар рад этилди
СЙХХХ экологик стикернинг йўқлиги учун БҲМнинг 10 баробари миқдорида жарима назарда тутилмаганини, уни олиш эса бепуллигича қолаётганини маълум қилди.
Ўзбекистонда экостикер йўқлиги учун жарима солиниши ҳақидаги хабарлар рад этилди
Ўзбекистон Йўл ҳаракати хавфсизлиги хизмати ижтимоий тармоқларда тарқалаётган, 1 январдан эътиборан экологик стикер йўқлиги учун базавий ҳисоблаш миқдорининг (БҲМ) 10 баравари миқдорида жарима жорий этилиши ҳамда уни расмийлаштириш пулли бўлиши ҳақидаги маълумотларни рад этди.
ЙҲХХ бундай чоралар учун ҳеч қандай ҳуқуқий асослар мавжуд эмаслигини маълум қилди ва фуқароларни ваколатли давлат органларининг расмий ресурсларида жойлаштирилган маълумотларга таянишга чақирди.
Ўзбекистонда «Экологик транспорт» тизими амал қилмоқда, унга кўра автомобиллар экологияга етказадиган таъсир даражасига қараб учта: яшил, сариқ ва қизил категорияларга бўлинади.
Тегишли стикерни My.gov.uz портали орқали ёки ЙҲХХнинг рўйхатдан ўтказиш бўлинмаларида олиш мумкин. Биринчи марта бериш, шунингдек, йилига бир маротаба қайта олиш бепул амалга оширилади.
Экологик стикер муддатсиз берилади, шу сабабли уни ҳар йили алмаштириш талаб этилмайди. Шу билан бирга, сариқ ва қизил категорияларга киритилган автомобиллар эгалари юқорироқ экологик категорияни олиш учун йилига бир марта бепул қайта диагностикадан ўтишлари мумкин.
Экологик стикерларни бериш қоидалари Ўзбекистон Вазирлар Маҳкамасининг 2025 йил 28 ноябрдаги 750-сонли қарори билан тасдиқланган.
ЙҲХХ ҳайдовчиларга ўз транспорт воситаларининг экологик категориясини аниқлаб, тегишли стикерни расмийлаштиришни тавсия этади.