Ўзбекистон ва Сербия савдо-иқтисодий ҳамкорликни кенгайтиради
Ўзбекистон ва Сербия янги савдо ва инвестиция лойиҳалари ҳамда ҳукуматлараро комиссиянинг биринчи йиғилишига тайёргарлик кўриш масалаларини муҳокама қилишди.
Ўзбекистон ва Сербия савдо-иқтисодий ҳамкорликни чуқурлаштириш ниятида.
Жорий йилнинг 13-август куни Ўзбекистон инвестиция, саноат ва савдо вазири Лазиз Қудратов ва Сербия халқаро иқтисодий ҳамкорлик вазири Ненад Попович ўртасида онлайн музокаралар бўлиб ўтди.
Ўзбекистон инвестиция, саноат ва савдо вазирлиги маълумотларига кўра, мулоқот давомида томонлар икки мамлакат ўртасидаги савдо, иқтисодий ва инвестиция алоқаларини мустаҳкамлаш масалаларини муҳокама қилишди.
Шу йилнинг кузида Белградда бўлиб ўтиши режалаштирилган Иқтисодий ҳамкорлик бўйича ҳукуматлараро комиссиянинг биринчи йиғилишига тайёргарлик кўришга алоҳида эътибор қаратилди.
Музокаралар иштирокчилари бир қатор аниқ савдо ва инвестиция таклифларини таҳлил қилишди ва келгусидаги ҳамкорликнинг асосий йўналишларини аниқладилар. Булар қаторига фармацевтика, қишлоқ хўжалиги, кимё, машинасозлик, тўқимачилик ва транспорт инфратузилмасини ривожлантириш киради.
Учрашув якунида Ўзбекистон ва Сербия ўзаро савдони кўпайтириш ва янги инвестиция ва савдо лойиҳаларини амалга оширишга қаратилган қўшма саъй-ҳаракатларни давом эттиришга келишиб олдилар.