Ўзбекистон ва IQVIA фармацевтикани рақамлаштиришни муҳокама қилди
Абдулла Азизов ва IQVIA вакиллари тиббий технологияларни баҳолашни жорий этиш, маълумотлар таҳлили ва дори-дармон етказиб беришни рақамли мониторинг қилишни кўриб чиқдилар.
Ўзбекистон ва IQVIA фармацевтикани рақамлаштиришни муҳокама қилди
Ўзбекистон Фармацевтика тармоғини ривожлантириш агентлиги ва IQVIA халқаро компанияси миллий соғлиқни сақлаш тизимига рақамли ечимларни жорий этиш имкониятларини кўриб чиқди.
Компания вакиллари билан учрашувни агентлик директори Абдулла Азизов ўтказди.
Музокараларнинг асосий мавзуларидан бири IQVIA’нинг тиббий технологияларни баҳолаш (HTA) соҳасидаги халқаро тажрибасини қўллаш бўлди. Томонлар, шунингдек, тиббий маълумотлар таҳлили ва дори воситалари етказиб берилишини мониторинг қилиш учун рақамли воситаларни яратишни муҳокама қилдилар.
Компания вакиллари турли мамлакатларда амалга оширилган лойиҳалар, шунингдек, аналитик платформаларнинг имкониятлари ҳақида сўзлаб бердилар.
Хусусан, даволаш харажатларини прогноз қилиш, онкологик беморларни даволаш жараёнларини кузатиб бориш ва соғлиқни сақлаш тизими шаффофлигини ошириш учун маълумотлар таҳлилидан фойдаланиш ҳақида сўз борди.
Иштирокчилар биргаликдаги ташаббусларни шакллантириш, экспертлар ўртасида тажриба алмашиш ва Ўзбекистонда рақамли ечимларни жорий этишнинг кейинги босқичларини белгилашга алоҳида эътибор қаратдилар.
Хабарда ташаббусларни амалга оширишнинг аниқ муддатлари ва мумкин бўлган лойиҳаларнинг параметрларига аниқлик киритилмаган.