Ўзбекистон ва CISAC муаллифлик ҳуқуқларини ҳимоя қилишни муҳокама қилдилар
Адлия вазири ўринбосари М. Икрамов муаллифлик ҳуқуқи ва турдош ҳуқуқларни ҳимоя қилишни муҳокама қилиш учун CISAC ва BIEM минтақавий директори Митко Чаталбашев билан учрашди.
Ўзбекистон ва CISAC муаллифлик ҳуқуқларини ҳимоя қилиш масалаларини муҳокама қилди
Ўзбекистон адлия вазири ўринбосари М. Икрамов Муаллифлар ва композиторлар жамиятлари халқаро конфедерацияси (CISAC) ва BIEM’нинг Европа бўйича минтақавий директори Митко Чаталбашев билан учрашув ўтказди.
Суҳбат давомида томонлар муаллифлик ва турдош ҳуқуқларни муҳофаза қилиш тизимини такомиллаштириш, уларни жамоавий бошқариш механизмларини ривожлантириш, шунингдек, ижодий соҳа вакилларининг қонуний манфаатларини таъминлаш масалаларини кўриб чиқдилар.
Музокаралар якунлари бўйича муаллифлар ва бошқа ҳуқуқ эгалари ҳуқуқларини ҳимоя қилиш самарадорлигини ошириш, ушбу соҳада халқаро стандартларни жорий этиш ва ҳамкорликни янада мустаҳкамлаш зарурлиги таъкидланди.