Ўзбекистон ва БМТ критик инфратузилмани ҳимоя қилиш соҳасидаги ҳамкорликни мустаҳкамламоқда
2026 йил 14 октябрь куни Ўзбекистон Республикаси Ички ишлар вазирлиги Академиясида заиф объектлар ва критик инфратузилмани террорчилик таҳдидларидан ҳимоя қилиш масалалари бўйича уч кунлик миллий чуқурлаштирилган маслаҳатлашувлар бошланди. Тадбир Ўзбекистон ва БМТнинг Терроризмга қарши кураш бошқармаси (ТҚКБ) ўртасидаги 2026–2027 йилларга мўлжалланган ҳамкорлик «Йўл харитаси»ни амалга ошириш доирасида ўтказилмоқда. Ташкилотчилар сифатида БМТ ТҚКБ Стратегик ва минтақалараро тадқиқотлар институти билан ҳамкорликда чиқди […]
Ўзбекистон ва БМТ критик инфратузилмани ҳимоя қилиш соҳасидаги ҳамкорликни кучайтирмоқда
2026 йил 14 октябрь куни Ўзбекистон Республикаси Ички ишлар вазирлиги Академиясида заиф объектлар ва критик инфратузилмани террорчилик таҳдидларидан ҳимоя қилишга бағишланган уч кунлик миллий чуқурлаштирилган консультациялар бошланди.
Тадбир Ўзбекистон ва БМТнинг Терроризмга қарши кураш бошқармаси (ТҚКБ) ўртасидаги 2026–2027 йилларга мўлжалланган ҳамкорлик бўйича «Йўл харитаси»ни амалга ошириш доирасида ўтказилмоқда. Ташкилотчилар сифатида БМТ ТҚКБ, Ўзбекистон Республикаси Президенти ҳузуридаги Стратегик ва минтақалараро тадқиқотлар институти, Давлат хавфсизлик хизмати ва ИИВ Академияси билан ҳамкорликда чиқмоқда.
Консультацияларда ҳуқуқни муҳофаза қилувчи органлар, соҳавий вазирлик ва идоралар вакиллари, шунингдек, стратегик корхоналар мутахассислари иштирок этмоқда. Маърузачилар сифатида БМТ ТҚКБ ҳамда БМТ Хавфсизлик Кенгаши Терроризмга қарши кураш қўмитаси Ижроия дирекцияси экспертлари чиқиш қилмоқда. Халқаро мутахассислар критик объектларни ҳимоя қилиш соҳасидаги илғор тажрибани тақдим этадилар.
Консультациялар давомида объектларни ҳимоя қилишнинг тезкор ва техник чоралари, террорчилик ҳужумларининг олдини олиш ва масъул тузилмаларнинг уларга жавоб қайтаришга тайёрлиги кўриб чиқилади.
Консультациялар якунлари бўйича миллий эҳтиёжларни ҳисобга олган ҳолда амалдаги механизмларни такомиллаштириш бўйича амалий тавсиялар ишлаб чиқиш режалаштирилган.