Ўзбекистон ва АҚШ ўртасидаги ҳамкорлик учун янги имкониятлар очилмоқда - Саида Мирзиёева
Саида Мирзиёева АҚШ давлат котиби Марко Рубио билан Самарқанддаги Регистон майдонига ташриф буюрди. Унинг маълум қилишича, журналистлар билан мулоқотда Самарқанднинг халқаро савдодаги тарихий ўрни ва Ўзбекистон–АҚШ ҳамкорлигининг янги имкониятлари ҳақида сўз борган.
Ўзбекистон ва АҚШ ҳамкорлиги учун янги имкониятлар юзага келмоқда — Саида Мирзиёева
Рубио Самарқанд бир неча асрлар давомида халқаро савдо алоқаларининг муҳим маркази бўлиб келганини таъкидлаган. Бугун эса бу ҳудуд икки давлат ўртасидаги ҳамкорликни кенгайтиришга қаратилган мулоқотларга мезбонлик қилмоқда.
Президент администрацияси раҳбари Саида Мирзиёева давлат котибининг Ўзбекистонга илк сафарининг айнан Самарқандда ўтаётгани алоҳида рамзий маънога эга эканини қайд этган.
Аввалроқ Рубио Ўзбекистонга Америка компанияларининг юз нафардан ортиқ вакилидан иборат делегация билан ташриф буюраётгани ҳақида хабар берилган эди.
Сафар дастурида Самарқандда С5+1 формати — Марказий Осиёнинг беш давлати ва АҚШ ташқи сиёсат идоралари раҳбарларининг учрашуви ҳам бор. Шунингдек, Ўзбекистон раҳбарияти ва минтақа мамлакатлари вакиллари билан музокаралар ҳам режалаштирилган.
Учрашувларнинг асосий мавзулари иқтисодий ҳамкорлик, савдо, хусусий инвестициялар, энергетика хавфсизлиги ва минтақавий ўзаро боғлиқликни ривожлантиришдан иборат.
Самарқанд С5+1 формати тарихида ҳам алоҳида ўрин эгаллайди: ушбу мулоқот майдони 2015-йил ноябр ойида айнан шу шаҳарда ишга туширилган. У Ўзбекистон, Қозоғистон, Қирғизистон, Тожикистон, Туркманистон ва АҚШни бирлаштиради.