Ўзбекистон Сенати ИКАО авиация баённомаларини маъқуллади
Ўзбекистон Сенати ИКАОни ислоҳ қилишга қаратилган Халқаро фуқаро авиацияси тўғрисидаги конвенцияга баённомаларни ратификация қилишни маъқуллади.
Ўзбекистон Сенати ИКАО авиация баённомаларини маъқуллади
Ўзбекистон Сенатининг 19-ялпи мажлисида 2016 йил 6 октябрда Монреалда қабул қилинган Халқаро фуқаро авиацияси тўғрисидаги конвенцияга ўзгартиришлар киритиш ҳақидаги баённомаларни ратификация қилиш тўғрисидаги қонун кўриб чиқилди. Муҳокама якунларига кўра, сенаторлар ушбу ҳужжатни маъқулладилар.
Ўзгартиришлар Халқаро фуқаро авиацияси ташкилоти (ИКАО)га аъзо давлатларнинг унинг раҳбарлик ва эксперт органларидаги вакиллигини кенгайтиришга қаратилган. Бундан ташқари, улар қарорлар қабул қилишда минтақавий манфаатларни янада мувозанатли ҳисобга олишни, шунингдек, ташкилотнинг институционал ва экспертлик салоҳиятини мустаҳкамлашни назарда тутади.
Сенаторлар баённомаларнинг ратификация қилиниши Ўзбекистонга ИКАО доирасидаги халқаро мажбуриятларни бажариш ва ташкилотда амалга оширилаётган институционал ислоҳотларни қўллаб-қувватлаш имконини беришини таъкидладилар.
Қонун, шунингдек, Ўзбекистон вакилларини ИКАО бошқарув органларига номзод сифатида кўрсатиш, минтақавий манфаатларни ифода этиш ва мамлакатнинг халқаро фуқаро авиацияси соҳасидаги иштирокини кенгайтириш учун асос яратади.
Муҳокама якунлангач, Сенат қонунни маъқуллади.