Ўзбекистон самбочилари Грециядаги жаҳон чемпионатида 15 та медални қўлга киритишди
Ўзбекистон самбочилари Грециядаги жаҳон чемпионатида 15 та медаль қўлга киритишди
Самбо бўйича Ўзбекистон ёшлар терма жамоаси Грециянинг Салоники шаҳрида бўлиб ўтган жаҳон чемпионатида 15 та медални қўлга киритди. Жамоа ҳисобида учта олтин, иккита кумуш ва ўнта бронза медали бор.
Мусобақалар кадетлар, ўсмирлар ва қизлар, шунингдек, ёшлар ўртасида ўтказилди. Турнирда жами 55 та медаллар жамланмаси ўйналди, унда 40 дан ортиқ мамлакат вакиллари иштирок этди. Ёшлар жанговар самбо бўйича ҳам куч синашдилар.
Ўзбекистонга битта олтин медални 71 килограммгача бўлган вазн тоифасида ёшлар ўртасидаги мусобақада ғолиб чиққан Ислом Абдузакиров келтирди. Озодбек Атаев 64 килограммгача бўлган вазн тоифасида кумуш медални қўлга киритди, Асадбек Матякубов эса 58 килограммгача бўлган вазнда бронза призери бўлди. Жанговар самбода Дониёрбек Мўминов ва Бахтжан Мамутов бронза медалларига сазовор бўлишди.
Якуний кунда терма жамоа ғазнани яна учта медаль билан бойитди. Акбаршоҳ Биболатов кадетлар ўртасида кумуш медални қўлга киритди, Гулноза Матназарова ва Бахтиёр Қалдибоев эса бронза призери бўлишди. Натижада жамоа турнирни 15 та медаль — учта олтин, иккита кумуш ва ўнта бронза билан якунлади.