Ўзбекистон Президенти 13−16 сентябрь кунлари давлат ташрифи билан Корея Республикасида бўлади
Ўзбекистон Президенти 13−16 сентябрь кунлари давлат ташрифи билан Корея Республикасида бўлади. У мамлакат раҳбарияти, шунингдек, Корея компаниялари ва молиявий институтлари вакиллари билан музокаралар ўтказади. Сеулда биринчи «Марказий Осиё — Корея Республикаси» саммити ҳам бўлиб ўтади.
Ўзбекистон Президенти 13–16 сентябрь кунлари Корея Республикасига давлат ташрифи билан боради
Ўзбекистон Президенти Шавкат Мирзиёев 13–16 сентябрь кунлари давлат ташрифи билан Корея Республикасида бўлади.
Сеулда Шавкат Мирзиёев Корея Республикаси Президенти Ли Чжэ Мён, Миллий Ассамблея Спикери Чо Чжон Шик, Бош вазир Хан Сон Сук, шунингдек, Корея компаниялари ва молиявий институтлари раҳбарлари билан музокаралар ўтказади.
Музокаралар давомида Ўзбекистон-Корея муносабатларини кенгайтириш, устувор йўналишларда ҳамкорликни чуқурлаштириш, шунингдек, маданий-гуманитар алмашинувларни фаоллаштириш масалаларини кўриб чиқиш режалаштирилган.
Ўзбекистон Президенти, шунингдек, биринчи «Марказий Осиё — Корея Республикаси» саммитида иштирок этади. Унда савдо, инвестициялар, инфратузилма, рақамли трансформация, фан, технологиялар ва бошқа кўплаб соҳалардаги ҳамкорлик истиқболлари муҳокама қилинади. Саммит якунлари бўйича Сеул декларацияси қабул қилиниши кутилмоқда.