Ўзбекистон паравелосипедчилари илк бор жаҳон чемпионатининг олтин медалини қўлга киритишди
Ўзбекистон терма жамоаси Алабама штатининг Хантсвилл шаҳрида шоссе бўйича паравелоспорт бўйича ўтказилган жаҳон чемпионатида учта олтин ва битта кумуш медални қўлга киритди. Бу мамлакатнинг жаҳон биринчиликларидаги иштироки тарихидаги энг яхши натижасидир. Жаҳон чемпионати тўрт кун давом этди ва ҳисоб бўйича 15-си бўлди. Мусобақаларда 47 мамлакатдан 300 га яқин спортчи иштирок этди. Иккита олтин медални […]
Ўзбекистон паравелосипедчилари илк бор жаҳон чемпионатининг олтин медалини қўлга киритишди
Ўзбекистон терма жамоаси Алабама штатининг Хантсвилл шаҳрида паравелоспортнинг шоссе йўналиши бўйича ўтказилган жаҳон чемпионатида учта олтин ва битта кумуш медални қўлга киритди. Бу мамлакатнинг жаҳон биринчиликларидаги иштироки тарихидаги энг яхши натижадир.
Тўрт кун давом этган жаҳон биринчилиги ҳисоб бўйича 15-си бўлди. Унда 47 та давлатдан 300 га яқин спортчи иштирок этди.
Ўзбекистонга иккита олтин медални Т1 классида уч ғилдиракли велосипедда баҳслашган Маржона Пардабоева тақдим этди. У вақт пойгасида ҳам, гуруҳ пойгасида ҳам биринчи бўлиб маррага етиб келди.
Яна иккита медални қўл велосипедларидаги спортчилар ўртасида H1 классида қатнашган Покиза Аҳмадбекова қўлга киритди. У вақт пойгасида ғолиб чиқди ва гуруҳ пойгасида иккинчи бўлди.
Пардабоева ва Аҳмадбекованинг олтин медаллари ўзбек паравелосипедчилари учун жаҳон чемпионатлари тарихидаги биринчиси бўлди.
2025 йилнинг август ойида Белгиянинг Ронсе шаҳрида бўлиб ўтган аввалги жаҳон биринчилигида Ўзбекистон терма жамоаси тўртта кумуш ва битта бронза медалини қўлга киритган эди.