Ўзбекистон боксчилари Читадаги халқаро турнирда учта олтин медални қўлга киритишди
Ўзбекистон боксчилари Читадаги халқаро турнирда учта олтин медални қўлга киритишди
Ўзбекистон терма жамоаси Читада бўлиб ўтган Eurasian Dauria Cup халқаро турнирида учта олтин ва битта кумуш медални қўлга киритди. Ўзбекистонлик боксчилар бир йўла учта вазн тоифасида ишончли тарзда биринчи ўринларни эгаллашди.
Турнирнинг бош қаҳрамонлари Бекхон Абдуллаев, Умархон Мирзахонов ва Сарвар Мирзақулов бўлишди. Улар тегишли равишда 75, 81 ва 92 килограммгача бўлган вазн тоифаларида олтин медалларни қўлга киритишди.
Жамоага яна бир соврин — кумуш медални Абдуллоҳ Абдуллаев келтирди. У 60 килограммгача бўлган вазн тоифасида финалгача етиб борди, бироқ ҳал қилувчи жангда рақибига имкониятни бой берди.
Медаллар сари йўлда ўзбекистонлик спортчиларга Россия, Қозоғистон, Арманистон ва бошқа мамлакатлардан келган боксчилар рақиблик қилишди.
Eurasian Dauria Cup халқаро турнири мамлакатлар ўртасидаги спорт ҳамкорлиги доирасида Чита шаҳрида бўлиб ўтди.
Бундан ташқари, BoxRec статистика портали Ўзбекистон вакили сифатида қайд этган бир йўла беш нафар боксчи вазн тоифасидан қатъи назар дунёнинг энг кучли ҳаваскор боксчилари ўнлигидан жой олди. Рейтингни Олимпия ўйинлари чемпиони Абдумалик Халоков бошқармоқда.