Ўзбекистон байроғи Ню-Ёрк марказий кўчасида 10 кун ҳилпирайди
30-август куни Ню-Ёркнинг Манҳеттен ҳудуди Валл Стреетъда Ўзбекистон мустақиллигининг 35 йиллиги муносабати билан давлат байроғи кўтарилди. Энди ушбу марказий кўчада байроқ 10 кун давомида ҳилпираб туради.
Ўзбекистон байроғи Ню-Ёркнинг марказий кўчасида 10 кун давомида ҳилпирайди. 30-август куни Ню-Ёркнинг Манҳеттен ҳудудидаги машҳур Валл Стреет кўчасида Ўзбекистон мустақиллигининг 35 йиллиги муносабати билан давлат байроғи кўтарилди. Энди ушбу марказий кўчада байроқ 10 кун давомида ҳилпираб туради.
Бу йил Ўзбекистон мустақиллиги эълон қилинганига 35 йил тўлмоқда. Байрам шукуҳи нафақат Республика ичкарисида, балки бутун дунё бўйлаб тарқалган. Ўзбек жамиятлари ва дипломатик корпуслар биргаликда турли байрам ва маросимларни ўтказишмоқда.
Маросимда Ўзбекистоннинг БМТдаги ваколатхонаси расмийлари, АҚШдаги ўзбек жамиятлари раислари ва аъзолари, шунингдек, ватандошлар иштирок этишди. Икки давлат мадҳиялари янгради. Дипломатлар ўзбекларни бу ерга келишга чорлади.
Kun.uz билан суҳбатлашган “Маҳалла УСА” Ўзбекистон-Америка жамияти раиси Абдумалик Аҳмедовнинг фикрича, бугун ҳеч қайси ўзбек Ватанда бўлаётган ишларга бефарқ эмас. "Ватанни севиш география танламайди, тарихда буюк давлатчилигимиз бўлган. АҚШда яшовчилар айниқса бугунги Ўзбекистонга бефарқ эмас", деди у.
АҚШ Молия ва солиқ департаменти эксперти бўлиб ишловчи яна бир юртдошимиз Мукаррамхон Эгамбердиева эса Ўзбекистондаги ўзбек тилидаги йиғинларни соғинганини таъкидлади. "Оила болаларимизга ўзбек тилида сўзлашишларини айтиб, буни қила олишимиз керак деб биламан. Мен ўзбек тилида бўлувчи йиғинлар, учрашувларни доим соғинаман", деди у.
Эслатиб ўтамиз, бу йилги байрам АҚШнинг турли ҳудудларида бўлиб ўтмоқда. Масалан, 29-30-август кунлари Филаделфияда, 30-августда Ню-Ёркда бўлса, сентабр бошида пойтахт Вашингтон штати ва қатор ҳудудларда тадбирлар режалаштирилган. Сиетлда эса бош консуллик очилиши бўлиб ўтади.