Ўзбекистон автожимхана бўйича Осиё чемпионатида иккинчи ўринни сақлаб қолди
Узбекистон терма жамоаси 17–18 октябрь кунлари Гонконгда бўлиб ўтган учинчи босқичдан сўнг Asia Auto Gymkhana Championship (AAGC) умумий ҳисобида иккинчи ўринни сақлаб қолди. Ўзбекистонлик спортчилар жуфтлик мусобақаларида иккита кумуш медални қўлга киритдилар ва миллий федерациялар ҳисобида учинчи ўринни эгалладилар. Чемпионатнинг учинчи босқичида 11 мамлакатдан 43 нафар спортчи, жумладан 24 нафар эркак ва […]
Ўзбекистон автоджимхана бўйича Осиё чемпионатида иккинчи ўринни сақлаб қолди
Ўзбекистон терма жамоаси 17–18 октябрь кунлари Гонконгда бўлиб ўтган учинчи босқичдан сўнг Asia Auto Gymkhana Championship (AAGC) умумий ҳисобида иккинчи ўринда қолди. Ўзбекистонлик спортчилар жуфтлик йўналишларида иккита кумуш медални қўлга киритишди ва миллий федерациялар ҳисобида учинчи бўлишди.
Чемпионатнинг учинчи босқичида 11 мамлакатдан 43 нафар спортчи, жумладан, 24 нафар эркак ва 19 нафар аёл иштирок этди. Мусобақада Ўзбекистон шарафини Дилшод Юсупов, Олим Ахмаджанов, Сабина Юсупова ва Самина Ахмаджонова ҳимоя қилишди.
Саралаш якунларига кўра, Ўзбекистоннинг барча тўрт вакили яккалик ҳисобида топ-12 таликка кирди. Дилшод Юсупов олинчи, Олим Ахмаджанов эса ўнинчи натижани кўрсатди. Аёллар ўртасида Сабина Юсупова тўққизинчи, Самина Ахмаджонова эса ўн иккинчи ўринни эгаллади. Аёллар жуфтлик саралашида ўзбекистонлик спортчилар учинчи бўлишди.
Шиддатли пойгаларда Дилшод Юсупов ва Олим Ахмаджанов эркаклар ўртасидаги жуфтлик ҳисобида кумуш медалларни қўлга киритишди. Аёллар жуфтлик ҳисобида Сабина Юсупова ва Самина Ахмаджонова иккинчи бўлишди. Иккала экипаж ҳам кубоклар билан тақдирланди.
Аралаш жуфтлик ҳисобида Дилшод Юсупов ва Сабина Юсупова ўз чиқишларини тўртинчи ўринда якунлашди. Эркаклар ўртасидаги яккалик мусобақаларида Юсупов шунингдек олинчи ўринни эгаллади.
Пойгалар якунига кўра, Ўзбекистон терма жамоаси миллий федерациялар (Best ASN) ҳисобида учинчи бўлди. Шу билан бирга, жамоа чемпионатнинг умумий ҳисобида иккинчи позицияни сақлаб қолди.
AAGC мавсуми тугашига яна иккита босқич қолмоқда — Таиланд ва Тайбэйда. Айнан уларнинг натижаларига кўра спортчилар ва миллий терма жамоаларнинг якуний ўринлари аниқланади.