“Ўзбекгидроенерго” АЖ ва Хитойнинг йирик энергетика корпорацияси: стратегик ҳамкорликдан амалий лойиҳалар сари
Жаҳон энергетика бозорида катта тажрибага эга халқаро корпорация билан ҳамкорлик Ўзбекистон гидроенергетикасини ривожлантириш, инвестицияларни жалб этиш ва замонавий технологияларни жорий қилишда муҳим аҳамият касб этади.
“Ўзбекгидроенерго” АЖ ва Хитойнинг йирик энергетика корпорацияси: стратегик ҳамкорликдан амалий лойиҳалар сари
“Ўзбекгидроенерго” АЖ бошқарув раиси Ислом Абдурахмонов Хитойнинг йирик давлат энергетика корпорацияларидан бири — “Чина Энергй Интернатионал Гроуп” раҳбарияти билан учрашув ўтказди. Мулоқот чоғида Ўзбекистон Республикаси Президентининг 2026-йил 1-майдаги “Гидроенергетика соҳасини янада ривожлантириш бўйича кечиктириб бўлмайдиган чора-тадбирлар тўғрисида”ги ПҚ–163-сон қарорида белгиланган вазифалар ижроси доирасида истиқболли инвестиция лойиҳаларини амалга ошириш, замонавий технологияларни жорий этиш ҳамда узоқ муддатли стратегик ҳамкорликни ривожлантириш масалалари муҳокама қилинди.
Томонлар халқаро инвестицияларни жалб қилиш, истиқболли гидроенергетика лойиҳаларини биргаликда ишлаб чиқиш ва амалга ошириш, мавжуд қувватларни модернизация қилиш, замонавий технологиялар ҳамда илғор муҳандислик ечимларини татбиқ этиш масалаларини кўриб чиқдилар.
Шунингдек, ишлаб чиқариш самарадорлигини ошириш, Жамият тизимидаги лойиҳа институтлари билан ҳамкорликни кенгайтириш, кадрлар алмашинуви ва мутахассислар малакасини ошириш орқали ўзаро тажриба алмашиш имкониятларига алоҳида эътибор қаратилди.
Узоқ муддатли стратегик ҳамкорликни ривожлантириш, халқаро илғор тажрибани маҳаллий шароитга мослаштириш орқали Ўзбекистон гидроенергетика тармоғининг барқарор ривожланишини таъминлаш масалалари ҳам муҳокама қилинди.
Учрашув якунида томонлар ўзаро манфаатли ҳамкорликни мустаҳкамлаш, амалий шерикликни кенгайтириш ҳамда янги қўшма лойиҳаларни ишлаб чиқиш ва амалга оширишга тайёр эканликларини билдирдилар.
Мазкур ҳамкорликнинг аҳамияти “Чина Энергй Интернатионал Гроуп”нинг халқаро энергетика бозоридаги мавқеи, йирик инфратузилма обьектларини барпо этиш тажрибаси ва комплекс муҳандислик ечимларини амалга ошириш салоҳияти билан белгиланади.
“Чина Энергй Интернатионал Гроуп” Хитойнинг йирик давлат энергетика ва муҳандислик корпорацияси — “Чина Энергй Энгинееринг Гроуп” (“Энергй Чина”) таркибидаги халқаро тузилма бўлиб, Хитой ва хорижий бозорларда йирик энергетика обьектларини лойиҳалаш ҳамда қуришда катта тажрибага эга. Корпорация гуруҳига кирувчи “Чина Гезҳоуба Гроуп Сорпоратион” каби муҳандислик-қурилиш компаниялари дунёдаги йирик гидроенергетика лойиҳаларида иштирок этган.