Ню Ёркда илк бор кана орқали юқадиган хавфли вирус аниқланди
Ню-Ёрк штатида илк бор хавфли Бурбон вируси аниқланди, бу вирусни ташувчи каналар орқали юқади. Фох Невс Стоуни-Брук тиббиёт маркази тадқиқотига таяниб хабар беришича, ушбу вирусни аниқлаш мураккаб бўлиб, ҳозирда унга қарши на ваксина, на махсус даволаш усули мавжуд.
Мутахассисларнинг таъкидлашича, вирусни Шимолий Америкага хос бўлган "ёлғиз юлдуз" (Лоне Стар Тиск) деб номланувчи каналар тарқатади. Бу ном урғочи кананинг орқа қисмидаги оқ юлдузсимон доғдан келиб чиққан. Тадқиқотчиларнинг огоҳлантиришича, агар вируснинг тарқалиши ёз ойларида ва кейинги йилларда давом эца, уни аниқлаш янада қийинлашиши мумкин.
**Бурбон вируси қачон аниқланган?**
Бурбон вируси биринчи марта 2014-йилда АҚШнинг Канзас штатидаги Бурбон округида қайд этилган. Вирус аниқланган биринчи бемор кейинчалик вафот этган. Ўшандан бери вирус билан боғлиқ камида икки ўлим ҳолати расман тасдиқланган, аммо олимлар касалликнинг бошқа аниқланмаган ҳолатлари ҳам бўлиши мумкинлигини тахмин қилмоқда.
**Касаллик белгилари қандай?**
Бурбон вирусининг асосий белгилари қуйидагилардан иборат:
* иситма;
* кучли ҳолсизлик;
* терида тошма;
* бош оғриғи;
* мушак ва тана оғриқлари;
* кўнгил айниши.
Шифокорларнинг айтишича, бу аломатлар кана орқали юқадиган бошқа инфексияларга жуда ўхшаш бўлгани учун касалликни аниқлаш қийин.
Стоуни-Брук тиббиёт марказининг профессори ва кана орқали юқадиган касалликлар клиникаси директори Луис Маркоснинг таъкидлашича, Ню-Ёрк ва АҚШнинг шимоли-шарқий ҳудудларида "ёлғиз юлдуз" каналарининг тарқалиши жуда кенг. Унинг сўзларига кўра, Бурбон вируси билан касалланган беморлардаги аломатлар бошқа кана орқали юқадиган инфексияларга ўхшаш бўлгани сабабли кўплаб ҳолатларда нотўғри ташхис қўйилиши мумкин. Профессор вирусни аниқлаш ва унга қарши самарали даволаш усулларини ишлаб чиқиш учун эпидемиологик кузатувни кучайтириш ҳамда лаборатория текширувларини такомиллаштириш зарурлигини таъкидлади.
АҚШ Касалликларни назорат қилиш ва олдини олиш марказлари (СДС) маълумотларига кўра, "ёлғиз юлдуз" каналар мамлакатнинг шимоли-шарқий, жанубий ва марказий ҳудудларида кенг тарқалган бўлиб, одамга фаол ҳужум қилувчи каналар турига киради. Шу билан бирга, СДС мутахассислари Бурбон вируси оғир касаллик келтириб чиқариши мумкин бўлса-да, ушбу вирусни ташувчи каналарнинг одамларга юқиш ҳолатлари ҳозирча жуда кам учрашини қайд этмоқда.