Носозликка ҳам öзи жавоб беради: Ҳюндаи ва Андурил автоном кемани синади
ҲД Ҳюндаи ва Андурил компаниялари Калифорния соҳиллари яқинида сув сиğими 368 тонна бöлган кеманинг автоном боşқарув тизимларини синовдан öтказди. Уç ярим соатлик намойиşда кема вазифалар öзгариşи ва сунъий равиşда яратилган ускуна носозликларига мустақил жавоб бериş қобилиятини кöрсатган.
Носозликка ҳам ўзи жавоб беради: Ҳюндаи ва Андурил автоном кемани синади
Синов учун аввал АҚШ Ҳарбий-денгиз кучлари фойдаланган, кейинчалик экипажсиз бошқарувга мослаштирилган кема танланди.
ҲД Кореа Шипбуилдинг & Оффшоре Энгинееринг — ҲД КСОЕ — уни ВАоне автоном бошқарув мажмуаси билан жиҳозлади. Андурил эса вазифаларни мустақил бажаришга мўлжалланган Латтисе платформасини тақдим этди.
Икки тизимнинг биргаликдаги иши кеманинг денгиздаги вазиятни ҳисобга олиб ҳаракатланиши ва топшириқ шартлари ўзгарганда ўз ҳаракатларини мослаштиришини намойиш этди.
Синовлар давомида сафда ҳаракатланиш ҳамда ускуналар ишдан чиқиши имитация қилинган фавқулодда вазиятлар машқ қилинди. Мутахассислар кеманинг техник носозликлар ва эҳтимолий шикастланишларга қандай жавоб беришини, бундай шароитда вазифалар бажарилишини назоратда сақлай олишини баҳолади.
Операторлар ва кузатувчилар жараённи қирғоқдаги бошқарув пунктидан масофадан кузатди. Тўғридан тўғри видеотрансляция кема ҳаракатларини кўриш ва унинг доимий инсон аралашувисиз ишлашини баҳолаш имконини берди.
Намойиш этилган технологиялар келажакда АҚШ Ҳарбий-денгиз кучлари операцияларида қўлланиши мумкин. Синов ҲД Ҳюндаи ва Андурилънинг Америкадаги экипажсиз сув усти кемалари дастурларида иштирок этиш имкониятларини кучайтиришга қаратилган.
Компаниялар бундай денгиз платформаларига талаб ортиб бораётгани фонида халқаро бозордаги фаолиятини ҳам кенгайтиришни режалаштирмоқда.