Ноқонуний қурилишлар ҳақида хабар бериш учун Телеграм-бот ишга тушди
Энди фуқаролар пойтахтдаги кўп қаватли уйлар атрофида, спорт майдончалари, болалар ўйингоҳлари, яшил ҳудудлар ёки бошқа
Ноқонуний қурилишлар ҳақида хабар бериш учун Телеграм-бот ишга туширилди.
Тошкент шаҳрининг меъморий кўринишини сақлаш, шаҳарсозлик қоидаларига амал қилинишини таъминлаш ва ноқонуний қурилишларга барҳам бериш мақсадида махсус “Ноқонуний қурилиш” Телеграм-боти ишга туширилди.
Эндиликда фуқаролар кўп қаватли уйлар атрофида, спорт майдончалари, болалар ўйингоҳлари, яшил ҳудудлар ёки бошқа жамоат жойларида ноқонуний қурилиш обьектларини аниқлаган тақдирда, бу ҳақда @ноқонуний_қурилиш_бот орқали хабар беришлари мумкин.
Ушбу бот орқали келиб тушган мурожаатлар ноқонуний қурилиш ҳолатларини аниқлаш ва уларга нисбатан чора кўришда жамоатчилик назоратини кучайтиришга хизмат қилиши кутилмоқда.
Бош прокуратура фуқароларни ўз уйи ва маҳалласидаги ўзгаришларга бефарқ бўлмасликка ҳамда ноқонуний қурилиш ҳолатлари кузатилганда жамоатчилик назоратида фаол иштирок этишга чақирди.