Нобуд бўлган боласини кўтариб кетаётган фил сурати халқаро фототанловда ғолиб бўлди
Италиялик Федерико Веронези нобуд бўлган боласини кўтариб кетаётган урғочи филни суратга олиб, Вилдлифе Пҳотограпҳер оф тҳе Еар 2026 халқаро танловининг бош мукофотини қўлга киритди. Унинг иши «Сутемизувчиларнинг хулқ-атвори» йўналишида ҳам ғолиб деб топилди.
Нобуд бўлган боласини кўтариб кетаётган фил тасвири халқаро фототанловда биринчи ўринни эгаллади
Фотограф Намибиядаги Хуаб дарёси водийсида филларни кузатиб юрганида, қуриб қолган ўзан қумидаги ноодатий судралиш изларига кўзи тушган. Филлар тўдасига яқинлашгач, бу излар қаердан пайдо бўлганини англаб етган.
Гуруҳдаги урғочи фил нобуд бўлган боласини олиб кетаётган эди. Боласининг оёғи онасининг қозиқ тиши ва хартуми орасида қисилиб қолган.
Осиё ва Африка филларида ўлим билан боғлиқ турли хатти-ҳаракатлар кузатилган. Улар ўзига хос товушлар чиқаради, ўлган тўдадошларининг танасини қўриқлайди, суякларини текшириб, уларга тегиб кўради, баъзан эса уларни кўтариб юради.
Баъзи тадқиқотчилар бу ҳаракатлар филларнинг ўлимни англашига боғлиқ бўлиши мумкинлигини айтади, бошқалари эса уларни эҳтимолий қайғу ифодаси сифатида талқин қилади.