Нобел мукофоти соҳиби сунъий интеллект меҳнат бозорини йўқ қилиб юборишидан огоҳлантирди
Унинг сўзларига кўра, сунъий интеллектнинг ривожланиши ҳозирги суръатларда давом этадиган бўлса, яқин ўн йил ичида фақат ищилар, тор ихтисосликдаги муҳандислар ёки тадбиркорлар қолади.
Нобел мукофоти соҳиби сунъий интеллект меҳнат бозорини йўқ қилиб юбориши мумкинлиги ҳақида огоҳлантирди
Иқтисодиёт бўйича Нобел мукофоти лауреати Дарон Ажемўғлу сунъий интеллект ривожи ҳозирги тезликда давом эца ва ўта юқори интеллект яратилса, яқин ўн йил ичида меҳнат бозори йўқолиб кетиши мумкинлигини айтди.
Унинг сўзларига кўра, сунъий интеллект саноатининг якуний мақсади инсон имкониятларидан устун турадиган ўта юқори интеллект яратишдир. Ажемўғлу инсоният бундай технологияга яқинлашса, нафақат ищи кучи, балки демократия ҳам йўқолиб кетиши мумкинлигини таъкидлади.
«Агар биз бундай ўта юқори интеллектга ҳатто яқинлашсак ҳам меҳнат бозори қолмайди - фақат ищилар, тор ихтисосликдаги муҳандислар ёки тадбиркорлар қолади... Бу таҳдид бугун ёки эртага пайдо бўлмайди, аммо яқин ўн йил ичида юзага келиши мумкин», - деди у.
Ажемўғлу сунъий интеллект технологияларини ривожлантириш йўналишини тубдан ўзгартириб, уларни ходимлар эҳтиёжларига мослаштиришга чақирди.
Ажемўғлу 2024-йилда Саймон Жонсон ва Жеймс Робинсон билан биргаликда «институтларнинг қандай шаклланиши ва фаровонликка қандай таъсир кўрсатишини тадқиқ этгани учун» иқтисодиёт бўйича Нобел мукофотига сазовор бўлган.