НАСА марсюрари рекорд ўрнатди
НАСА Персеверансе марсюрари Ердан ташқаридаги масофани босиб ўтиш бўйича рекорд ўрнатганини маълум қилди.
**НАСА марсюрари рекорд ўрнатди**
АҚШ Миллий аеронавтика ва фазони тадқиқ қилиш бошқармаси (НАСА) ўзининг Персеверансе марсюрари 2026-йил 11-октабр ҳолатига кўра Марс юзасида 45,22 км масофа босиб ўтиб, бошқа сайёра сиртида босиб ўтилган умумий йўл бўйича янги рекорд қайд этганини маълум қилди.
Бу натижа аппаратга НАСАънинг Оппортунитй марсюрари 2004-йилдан 2018-йилгача Марсдаги фаолияти давомида ўрнатган аввалги рекордни — 45,16 км — янгилаш имконини берди.
НАСА маълумотига кўра, Персеверансе босиб ўтилган масофа бўйича НАСАънинг Суриоситй (2012-йилдан бери Марсда бўлиб, ҳозиргача 38,15 км йўл босган), Спирит ва Сожоурнер марсюрарларини, собиқ иттифоқнинг «Луноход-1» ва «Луноход-2» аппаратларини, НАСАънинг «Аполлон-15», «Аполлон-16» ва «Аполлон-17» ойюрарларини, шунингдек, Хитойнинг «Юйту» ва «Юйту-2» ойюрарларини ҳам ортда қолдирди.
Олти ғилдиракли Персеверансе марсюрари 2020-йил 30-июлда коинотга учирилган эди. 2021-йил 18-февралда аппарат Марс юзасига етиб бориб, олимлар фикрича, 3,5 миллиард йилдан кўпроқ вақт олдин дарёлар қуйилган кўл мавжуд бўлган Езеро кратерига қўнди. Персеверансе миссиясининг мақсади қадимги микробиологик ҳаёт изларини топишдан иборат. Шу мақсадда марсюрар кейинчалик Ерга олиб келиш учун Марс тоғ жинслари ва тупроғи намуналарини йиғмоқда.
НАСАънинг Реактив ҳаракат лабораториясидаги Персеверансе ва Суриоситй лойиҳалари раҳбари Стивен Ли Персеверансе аъло даражадаги техник ҳолатда эканини ва Марсда 2030-йилларгача ёки ундан ҳам узоқроқ фаолият юритиши мумкинлигини айтди.