НАСА Марснинг янги суратларини эълон қилди
НАСА Марсда фаолият олиб бораётган Персеверансе марсоходи томонидан 2026-йил сентабр ойида олинган янги суратларни эълон қилди. Кадрларда Қизил сайёра манзаралари, унинг сирти ва тоғ жинсларини кўриш мумкин.
НАСА Марснинг янги суратларини эълон қилди
Персеверансе марсоходи Марсни тадқиқ этаётганига беш йилдан ошди
НАСА мунтазам равишда аппарат олган қайта ишланмаган янги тасвирларни жамоатчиликка тақдим этиб келмоқда.
Персеверансе 2020-йил июл ойида Марсга учирилган ва 2021-йил 18-февралда сайёра сиртига муваффақиятли қўнган. Шундан бери марсоход Қизил сайёрани ўрганиб, қадимда у ерда микроб кўринишидаги ҳаёт мавжуд бўлган бўлиши мумкинлигини кўрсатувчи изларни изламоқда.
Айни пайтда аппарат Марс сирти, тоғ жинслари ва атроф-муҳитга оид кўплаб тасвирларни Ерга юбориб келмоқда.
Персеверансеъга жами 19 та камера ўрнатилган. Марс 2020 миссияси доирасида Марсга етказилган Ингенуитй вертолётида эса яна иккита камера бўлган. Умуман олганда, Марс 2020 миссияси 25 та камера билан жиҳозланган.
Миссия давомида марсоход ва вертолёт томонидан жами бир миллиондан ортиқ сурат олинган. НАСА ушбу тасвирларнинг янги қисмларини мунтазам равишда эълон қилиб боради.
Марсоход камераларига Марснинг турли манзаралари, сайёра сиртидаги тош ва тоғ жинслари тушади. Айрим кадрларда Персеверансеънинг илмий тадқиқотлар олиб бориши ва турли вазифаларни бажариш жараёни ҳам акс этади.
2026-йил сентабр ойида олинган янги тасвирлар ҳам Марс сиртининг ўзига хос тузилиши ва Қизил сайёра ландшафтини яқиндан кўриш имконини беради.