Нарендра Моди Шавкат Мирзиёев ҳамроҳлигида Мустақиллик монументи пойига гул қўйди

Нарендра Моди Шавкат Мирзиёев билан бирга Мустақиллик монументига гулчамбар қўйди.

Ҳиндистон Бош вазири Нарендра Моди Ўзбекистон Президенти Шавкат Мирзиёев ҳамроҳлигида “Янги Ўзбекистон” боғига ташриф буюрди. Бу ҳақда Президент матбуот хизмати хабар берди.

Олий мартабали меҳмон анъанага кўра, Мустақиллик монументи пойига гул қўйди. Мажмуа билан қисқача танишув чоғида меҳмонга ушбу меъморий ансамблнинг мазмуни ва ўзига хос хусусиятлари ҳақида маълумот берилди.

Вазирнинг ташрифи доирасидаги асосий тадбирлар 30-август куни бўлиб ўтади. Унда тизимли сиёсий мулоқот ва маданий-гуманитар алмашинувни кенгайтириш, савдо, энергетика, кимё, геология, соғлиқни сақлаш, фармацевтика, қишлоқ хўжалиги, машинасозлик ва иқтисодиётнинг бошқа тармоқларида аниқ дастурлар ва кооперация лойиҳаларини илгари суришга устувор эътибор қаратилади.