Нарбаева ва Сатьяртхи болалар ҳуқуқларини ҳимоя қилишни муҳокама қилдилар
Сенат матбуот хизмати Танзила Нарбаева Самарқандда инсонпарварлик соҳасидаги ҳамкорликни муҳокама қилиш учун Асмита Сатьяртхи билан учрашганини маълум қилди.
Нарбаева ва Сатьяртхи болалар ҳуқуқларини ҳимоя қилиш масаласини муҳокама қилдилар
Олий Мажлис Сенати Раиси Танзила Нарбаева Самарқандда ўтказилаётган Парламентлараро Иттифоқ ёш парламент аъзоларининг XII глобал конференцияси доирасида Сатьяртхи глобал раҳм-шафқат ҳаракати бош директори Асмита Сатьяртхи билан учрашув ўтказди.
Суҳбат давомида томонлар гуманитар ҳамкорликни янада кенгайтириш масалаларини кўриб чиқдилар.
Болалар ҳуқуқларини ҳимоя қилиш ва ижтимоий ҳимояга муҳтож болаларни қўллаб-қувватлаш масалалари бўйича тажриба алмашиш, қўшма семинарлар, экспертлар учрашувлари ва парламент муҳокамаларини ташкил этиш имкониятларига алоҳида эътибор қаратилди.
Бундан ташқари, томонлар хотин-қизларнинг жамиятдаги ролини янада ошириш, ёш етакчи аёлларни қўллаб-қувватлаш ва ижтимоий етакчиликни ривожлантириш юзасидан фикр алмашдилар.