Наманганда икки қизни фоҳишалик учун Туркияга юбормоқчи бўлган аёллар ушланди
Наманганда икки қизни фоҳишалик учун Туркияга юбормоқчи бўлган аёллар қўлга олинди
Наманган вилоятида икки қизни фоҳишалик билан шуғулланиш учун Туркияга жўнатмоқчи бўлган икки аёл ушланган.
Давлатобод туманида яшовчи, 1990 ва 1993-йилларда туғилган икки аёл маҳаллий икки қизнинг ишончига кирган. Улар қизларни Туркиянинг Анталя шаҳрига фоҳишалик билан шуғулланиш учун юбориб, у ерда топиладиган даромадларининг ярмини ўзлаштиришни режалаштирган.
Аёллар қизларни Тошкент—Анталя йўналиши орқали хорижга юбориш учун пойтахт аеропортига олиб кетаётган пайтда Чуст тумани ҳудудида тўхтатиб қолинган.
1990-йилда туғилган аёл бундан аввал ҳам шу турдаги жиноят содир этгани учун судланган.
Ҳозирда икки аёлга нисбатан жиноят иши қўзғатилиб, тергов ҳаракатлари олиб борилмоқда.