Наманган шаҳри жамоат транспорти учун Хитойдан 10 та электробус олиб келинди
Наманганга Хитойда ишлаб чиқарилган 10 та Зҳонгтонг электробуси олиб келинди. Улар “Отчопар — Чорсу” йўналишида брутто шартнома асосида йўлга чиқарилиши режалаштирилмоқда. Электробуслар 125 та автобус хариди бўйича шартнома доирасида келтирилган.
Наманган шаҳри жамоат транспорти учун Хитойдан 10 та электробус олиб келинди
Наманган шаҳрига Хитойда ишлаб чиқарилган 10 та Зҳонгтонг русумли электробус келтирилди, деб хабар қилинмоқда. Улар “Отчопар — Чорсу” йўналишида йўловчиларга хизмат кўрсатиши режалаштирилган.
Электробуслар “Турон-95 МБИ” МЧЖ томонидан Хитойда ишлаб чиқарилган 125 та замонавий автобус харид қилиш бўйича тузилган шартнома доирасида олиб келинган.
Янги транспорт воситаларини Наманган шаҳрининг йўл-транспорт бош режасига мувофиқ, тендер танловлари асосида “Отчопар — Чорсу” йўналишига жойлаштириш ва қатновларни брутто шартнома асосида ташкил этиш режалаштирилган.
Янги электробусларнинг ишга туширилиши шаҳарда экологик тоза ва замонавий жамоат транспорти хизматларини кенгайтиришга қаратилган. Уларнинг фаолияти билан боғлиқ йўналишларда 20 дан ортиқ янги иш ўрни яратилиши кўзда тутилган.
Қайд этилишича, ўтган давр мобайнида вилоятда жамоат транспортини модернизация қилиш доирасида тадбиркорлар томонидан Наманган шаҳри учун 108 та замонавий автобус олиб келинган. Улар ҳозирда 10 та йўналишда брутто шартнома асосида хизмат кўрсатмоқда.
Бундан аввал июл ойида Наманган шаҳрига Хитойдан 12 та Анкаи русумидаги автобус келтирилган эди.
Эслатиб ўтамиз, 23-июн куни вилоят ситуацион марказида Шавкат Мирзиёев мутасаддиларнинг ҳисоботларини тинглаган, ўшанда Наманган шаҳри жамоат транспортини ривожлантириш учун 1-сентабргача 90 та автобус, 50 та электробус ва 30 та микроавтобус, 1-июлгача эса қўшимча 105 та электробус харид қилиш топширилганди.