Муйдинхўжаев ва Умматалиев профессионал рингда жанг қилади
Асадхўжа Муйдинхўжаев 26 сентябрда, Жавоҳир Умматалиев эса 17 октябрда профессионал рингда навбатдаги жангини ўтказади.
Муйдинхўжаев ва Умматалиев профессионал рингда жанг қилади
Олимпия чемпиони ва уч карра жаҳон чемпиони Асадхўжа Муйдинхўжаев 26 сентябр куни Ҳоместретч турнири доирасида профессионал рингдаги навбатдаги жангини ўтказади. Унинг рақиби кейинроқ маълум қилинади. Бу ҳақда Ўзбекистон Бокс федерацияси маълум қилди.
Жаҳон чемпиони Жавоҳир Умматалиев ҳам профессионал даражадаги фаолиятини давом эттиради. Унинг навбатдаги жанги 17 октябр куни Лондон шаҳридаги О2 аренасида бўлиб ўтадиган Даниел Дубоис – Фабио Вардлей 2 турнири доирасида ташкил этилади. Умматалиевнинг рақиби ҳозирча номаълум.
Ҳар икки боксчи ҳам профессионал рингда иккитадан жанг ўтказиб, иккала баҳсда ҳам ғалаба қозонган.
Бўлажак жанглар Муйдинхўжаев ва Умматалиевнинг профессионал фаолиятидаги навбатдаги беллашувлар бўлади. Ўзбекистон Бокс федерацияси спортчиларга омад ва янги ғалабалар тилади.