Мулкни сотишни тақиқлаш ва карталарни блоклаш: 1 октябрдан my.gov.uz сайтида янги функциялар пайдо бўлади
2026 йил 1 октябрдан бошлаб my.gov.uz порталида фуқаролар ва бизнес учун янги имкониятлар пайдо бўлади. Улар мулк, телефон рақамлари ва банк карталарини онлайн бошқариш имконини беради. Масалан, кўчмас мулк ва автомобиль эгалари портал орқали уларни сотиш, гаровга қўйиш ёки ипотекага беришга тақиқ қўйишлари мумкин бўлади. Зарурат туғилганда тақиқни бекор қилиш ҳам мумкин. Порталда, шунингдек, қайси телефон […]
Мулкни сотишга тақиқ қўйиш ва карталарни блоклаш: 1 октябрдан my.gov.uz порталида янги функциялар пайдо бўлади
2026 йил 1 октябрдан бошлаб my.gov.uz порталида фуқаролар ва тадбиркорлик субъектлари учун янги имкониятлар ишга тушади. Улар мулк, телефон рақамлари ва банк карталарини онлайн бошқариш имконини беради.
Хусусан, кўчмас мулк ва автомобиль эгалари портал орқали уларни сотиш, гаровга қўйиш ёки ипотекага беришни тақиқлашлари мумкин бўлади. Зарурат туғилганда, ушбу тақиқни бекор қилиш имконияти ҳам яратилади.
Шунингдек, порталда фойдаланувчи номига қандай телефон рақамлари ва банк карталари расмийлаштирилганини билиш мумкин бўлади.
Бундан ташқари, телефон рақамини вақтинчалик ўчириб қўйиш ва кейинчалик қайта фаоллаштириш имкони пайдо бўлади. Фойдаланилмаётган рақам учун хизмат кўрсатишни тўхтатиш тўғрисида ариза юбориш мумкин бўлади. Фойдаланувчилар уланган пуллик хизматларни ҳам текшира оладилар.
Яна бир функция банкка картани блоклаш ёки ёпиш тўғрисида ариза юбориш имконини беради.
Янги нотариал ҳаракат расмийлаштирилганда, фуқарога my.gov.uz орқали автоматик равишда билдиришнома юборилади. Бундай ҳаракатлар тўғрисидаги маълумотлар тизимда сақланиб қолади.