Моуринё режаларидан тушиб қолган Камавинга 80 миллион еврога сотилиши мумкин

**Моуринё режаларидан четда қолган Камавинга 80 миллион еврога сотилиши мумкин**

Мадриднинг “Реал” клуби яримҳимоячиси Эдуардо Камавинга трансфер ойнаси ёпилишига оз қолганида жамоани тарк этиши эҳтимоли бор. 23 ёшли футболчи Жозе Моуринё бощилигида асосий таркибдаги ўрнини йўқотган ва унга “Манчестер Юнайтед” қизиқиш билдирмоқда, деб хабар беради Фичажес нашри.

Моуринё “қироллик клуби” бош мураббийи этиб тайинланганидан сўнг яримҳимоя чизиғида ўзгаришлар қилди. Ҳозирда бу позицияда Федерико Валверде, Бернарду Силва ва Жуд Беллингем асосий таркибдан жой олган. Камавинга эса сўнгги ўйинларда асосан захира ўриндиғида қолиб, ўйинларнинг охирги дақиқаларида майдонга туширилмоқда.

Манбага кўра, Камавинга билан боғлиқ вазиятдан “Манчестер Юнайтед” унумли фойдаланиши мумкин. Англия клуби мавсумни муваффақияциз бошлади. “Қизил иблислар” АПЛнинг илк турида “Ҳалл Сити”га 0:2 ҳисобида мағлуб бўлди. Жамоа навбатдаги учрашувда “Ипсвич” билан баҳс олиб боради.

Инсайдер Рубен Канисареснинг таъкидлашича, агар “Манчестер Юнайтед” яна очко йўқоца, клуб раҳбарияти трансфер бозорида фаол ҳаракат қилиши мумкин. Бу ҳолатда “Реал”га Камавинга учун 70–80 миллион евролик таклиф юборилиши эҳтимоли мавжуд.

Моуринё футболчини сотишга қарши эканини ва жамоа таркиби тўлиқ шаклланганини таъкидламоқда. Бироқ Камавинга учун 80 миллион евролик таклиф “Реал” расмийларининг қарорини ўзгартириши мумкин.

Трансфер бўйича якуний қарор яқин кунларда қабул қилиниши кутилмоқда. Агар Камавинга 30-август куни “Малага”га қарши учрашувда ҳам қисқа вақтга майдонга тушса, унинг “Манчестер Юнайтед”га трансфери эҳтимоли янада ошади.

Маълумот учун, франсиялик футболчи 2021-йилдан буён “Реал Мадрид” сафида тўп тепмоқда. У “қироллик клуби”га “Ренн”дан 31 миллион евро эвазига кўчиб ўтган. Футболчининг клуб билан шартномаси 2029-йилгача амал қилади. Трансфермаркт портали эса унинг бозор қийматини 50 миллион еврога баҳоламоқда.