Моуринё 13 йил ичида қандай ўзгарганини айтди
Моуринё 13 йиллик давр мобайнида ўзгаришлари ҳақида сўзлади
"Реал" клубининг бош мураббийи Жозе Моуринё 2013-йилда жамоани тарк этганидан буён ўзида рўй берган ўзгаришлар ҳақида фикр билдирди. Португалиялик мутахассис 13 йил аввалги ўзи билан ҳозирги ҳолатини солиштириб, ҳам шахс, ҳам мураббий сифатида сезиларли даражада ўзгарганини таъкидлади.
Унинг сўзларига кўра, унинг характери ва футболга бўлган асосий ёндашуви ўзгаришсиз қолган. Бироқ, мутахассис йиллар давомида катта тажриба тўплаганини, вазминроқ бўлиб қолганини ва аввалгига нисбатан ўз ҳиссиётларини яхшироқ бошқаришни ўрганганини қайд этди.
"Мен кўп жиҳатдан ўзгардим — ҳам инсон, ҳам мураббий сифатида. Менда ўша ДНК сақланиб қолган, лекин энди анча етукман, камроқ ҳиссиётга бериламан ва ўзимни яхшироқ назорат қила оламан", — деди португалиялик мутахассис Эл Чирингуито дастурига берган интервюсида.
Маълумот учун, Жозе Моуринё "Реал"да 2010-йилдан 2013-йилгача фаолият юритган ва жорий ёзда яна Мадрид клубига қайтган. Унинг жамоа билан амалдаги шартномаси 2029-йилнинг ёзига қадар мўлжалланган.