Мотоциклда сув устида 40 километр: хитойлик тадбиркор Гиннесс рекордини öрнатди
Хитойнинг ЗХМОТО мотоцикл иşлаб çиқарувçи компанияси асосçиси Çжан Сюе махсус қайта жиҳозланган мотоциклда сув устида 40 километрдан ортиқ масофани босиб öтиб, Гиннесс рекордини öрнатди. Синов унинг туğилган ҳудуди - Хунан провинсиясида öтказилди.
Мотоциклда сув устида 40 километр: хитойлик тадбиркор Гиннесс рекордини ўрнатди
Унга сув устида сирпаниш учун мўлжалланган махсус чанғилар ўрнатилган, ёнилғи баки катталаштирилган ва сувдан ҳимояси кучайтирилган.
Мотоцикл аввал қуруқликда тезлик олади, сўнг сувга чиқади. Чанғилар унинг сув юзасида ҳаракатланишига ёрдам беради, олд чанғи эса йўналишни бошқариш учун хизмат қилади.
Орқа ғилдирак бу жараёнда одатдагидан бошқача ишлайди: у қаттиқ йўлга таяниш ўрнига сувни орқага итариб, мотоциклни олдинга ҳаракатлантирувчи куч ҳосил қилади.
Рекорд масофаси дарёни бир неча бор кесиб ўтиш орқали тўпланган. Яъни Чжан Сюе 40 километрдан ортиқ йўлни бир йўналишда босиб ўтмаган. Узоқ масофага етарли ёнилғи захираси ва сув билан такрорий контактга чидамлиликни таъминлаш учун конструксияга қўшимча ўзгартишлар киритилган.
Биринчи уринишда атиги 20 метр юрган
Чжан Сюе мотоциклда сув ҳавзасини кесиб ўтишга илк бор 2009-йилда уринган. Ўшанда у оддий ўзгартишлар киритилган техникада сув юзасида ҳаракатни сақлаб қолиш мумкинлигини текширган.
Дастлабки тажрибада у тўрт марта сувга қулаган, энг узоқ босиб ўтган масофаси эса атиги 20 метр бўлган. Шундан сўнг мотоцикл конструксиясини такомиллаштириш бўйича кўп йиллик тажрибалар давом этган.
Ҳозирги натижа махсус қайта жиҳозланган МХ450ъда рекорд ўрнатиш доирасида қайд этилди. Бу мотоциклнинг кундалик сув қатнови ёки мунтазам ташувлар учун тайёр эканини англатмайди: у қуруқлик ва сувда универсал фойдаланишга мўлжалланган серияли транспорт воситаси сифатида тақдим этилмаган.