Мицубиши янгиланган Эслипсе Сроссъни намойиш этди
Янгиликлар фақат автомобилнинг техник жиҳозланишига тааллуқли. Жумладан, электр кроссовер сиғими 67 кВт·соат бўлган аккумуляторли янги бошланғич версияга эга бўлди.
Мицубиши янгиланган Эслипсе Сроссъни тақдим этди
Япониянинг Мицубиши компанияси Европа бозори учун янгиланган Эслипсе Сросс кроссоверини намойиш қилди.
Хусусан, электр кроссовер 67 кВт·соат сиғимли аккумуляторга эга янги бошланғич версия билан тўлдирилди. Автомобил бир марта қувватланганда 472 км масофани босиб ўтади. Чегирма ҳисобга олинганда, бундай модел нархи 32 990 евродан (448 млн сўм) бошланади.
Олдинроқ Европада Эслипсе Сроссънинг бундай модификацияси йўқ эди ва кроссоверни фақат 87 кВт·соат сиғимли аккумулятор билан харид қилиш мумкин бўлган. Унинг энг паст нархи 45 690 еврони (620 млн сўм) ташкил этган.
Мазкур модификация ўрнини 89 кВт·соат сиғимли батареяли модел эгаллади. Энди кроссовернинг юриш захираси 650 км га етади. Ушбу автомобил нархи кейинроқ маълум қилинади.
Шунингдек, янгиланган Мицубиши Эслипсе Сросс модернизация қилинган электр мотор билан жиҳозланди, унинг қуввати 215 от кучидан 220 от кучига оширилди. Ҳар иккала модификация ҳам тез қувватлантириш тизимига эга. Батареяни 15 фоиздан 80 фоизгача тўлдириш учун мос равишда 24 ва 28 дақиқа керак бўлади.
Мицубиши Эслипсе Сросс кроссовери Ренаулт Ссенис Э-Теч модели асосида яратилган бўлиб, Франсиядаги заводда ишлаб чиқарилади.