Мицеллар сув билан тозалагандан сўнг юзни ювиш керакми?
Аёллар гўзаллиги учун мўлжалланган турли воситалар, косметика ва парвариш маҳсулотлари тобора кўпайиб бормоқда. Ишлаб чиқарувчилар ўзларининг ноёб таркибга эга тозалаш воситаларини таклиф этадилар. Мицеллар суви ҳам шундай воситалардан биридир. Хўш, ундан фойдалангандан сўнг юзни сув билан ювиш керакми ёки йўқми, қуйида билиб олинг.
Мицеллар лосён, мицеллар эритмаси ёки мицеллар суви деб аталувчи бу восита юз терисини тозалаш учун ишлатилади. Унинг таркибидаги мицеллар (микроскопик шаклланишлар) терининг гидролипид қатламига ўхшаш тузилишга эга бўлиб, улар бутунлай хавфсиз ва аллерген эмас. Ҳар бир сирт фаол модда молекуласи гидрофил бош ва липофил думдан иборат.
Эритмада бундай молекулаларнинг маълум бир консентрациясига эришилганда, улар гуруҳланади: липофил думлар молекулаларнинг гидрофил қисмининг қобиғи билан ўралган ҳолда бирлашади. Натижада, сув муҳити молекуланинг липид қисмига етиб бормайди, аммо бундай бирлашув ёғларни эритиш ва деярли ҳар қандай ифлосланишни "сўриш" қобилиятига эга.
Ушбу маҳсулотнинг афзаллиги шундаки, тозаловчи модда сифатида совун эмас, балки мицеллар ишлайди. Шу сабабли, бундай тозалашдан кейин тирнаш хусусияти, аллергия ва бошқа муаммолар хавфи минимал даражага тушади. Бу эритма дастлаб жуда сезгир ва таъсирчан терига эга бўлган, яъни қаттиқ водопровод суви билан алоқага чидай олмайдиган одамлар учун ишлаб чиқилган. Шу боис, у ҳозирда жуда нозик ва нафис юз териси учун тавсия этилади.
**Мицеллар сув кимларга мос келади?**
Мицеллар сув деярли ҳар қандай турдаги терига эга бўлган ҳар бир кишига мос келади. Бу макияжни тозалаш ва кетказишнинг энг қулай усули. Бундан ташқари, у сув ўтказмайдиган бўяниш ва ҳатто театр грими каби қийин макияжни ҳам олиб ташлашга қодир. Агар ишлаб чиқарувчи маҳсулотга тинчлантирувчи ва антиоксидант қўшимчалар қўшган бўлса, у терини парвариш ҳам қилади. Бироқ, ёғли тери эгалари кўпинча бундай маҳсулотлардан унчалик мамнун эмаслар. Гап шундаки, юзини "қиртишлаб" тозалашга одатланганлар учун бутун юзини қоплайдиган намловчи плёнка унчалик қулай эмас.
**Мицеллар сувдан қандай фойдаланиш лозим? Ундан кейин юзни ювиш керакми?**
Бугунги кунда илмий доираларда мицеллар терига бегона модда эканлиги ва шунинг учун улар юз терисида қолдирилмаслиги керак деган фикр мавжуд. Бундан ташқари, ҳамма ҳам мицеллар сув билан ювишда тегишлича парвариш қилмайди. Агар сиз етарли миқдорда суюқлик ва пахта ёстиқчалари ишлацангиз, барча кир ва косметик қолдиқ терида эмас, балки уларда қолади (мицеллар уларни маҳкам ушлаб олади ва пахтали юмалоқ ёстиқчалар яхши ишлайди). Юқорида тавсифланган хавфларни бартараф этиш учун баъзи мутахассислар мицел эритмаларини ювиш, қўшимча равишда гел ёки кўпик билан ювишни тавсия этади.
Кўпгина дерматологлар олтин ўрталикка риоя этишни тавсия қилади: бўяниш мицеллар лосён билан тозалангач, юзни тоник билан парвариш қилиш ёки термал сув сепиш керак. Юзни ювишнинг ҳожати йўқ, чунки юзда бегона моддалар қолмайди. Мицеллар эритма тоникнинг муқобили эмас – бу шунчаки тозалаш воситаси. Тоник эса юзни тозаламайди, балки терининг ПҲ мувозанатини тиклайди ва кейинги парвариш учун қўлланма бўлиб хизмат қилади. Шунинг учун, уларнинг орасидаги бир нарса ҳақиқатдир: мицеллар лосён бутун тозалаш мажмуасини алмаштирмайди, бу оддий кўпикли воситанинг янги тимсолидир.