Мисрда салкам 6 магнитудали зилзила содир бўлди (видео)

Мисрда қарийб 6 магнитудали зилзила қайд этилди (видео)

Мисрда 5,6 магнитудали зилзила содир бўлди, унинг силкинишлари Яқин Шарқнинг бир қанча мамлакатлари аҳолиси томонидан ҳам сезилди. Бу ҳақда Тҳе Индепендент хабар берди.

Миср Миллий астрономия ва геофизика институти маълумотларига кўра, зилзила 3-август куни маҳаллий вақт билан соат 03:00 да рўй берган. Ерости силкинишларининг эпицентри Сувайш шаҳридан 38 километр шимолда жойлашган. Ҳозирча қурбонлар, жабрланганлар ва жиддий талафотлар ҳақида маълумот келиб тушмаган. Силкинишлар Исроил, Ғазо сектори, Иордания ва Ливан аҳолисига ҳам сезилган.

Зилзиладан сўнг Миср Қизил Ярим Ой жамияти талафот кўрган вилоятларда шошилинч чоралар режасини фаоллаштирди. Аҳолидан конструктив шикастланиш эҳтимоли бўлган биноларга кирмаслик ва расмий ахборотларни кузатиб бориш сўралди.

Шу билан бирга, Германия Ер тадқиқотлари маркази зилзила магнитудасини 5,4 га баҳолади. Унинг ўчоғи тахминан 10 километр чуқурликда бўлган. Сувайш шаҳри Мисрнинг шимоли-шарқида, Сувайш каналининг жанубий кириш қисмига яқин жойда жойлашган. Унда 700 мингга яқин аҳоли истиқомат қилади.

Маълумот ўрнида, Японияда 28-июл куни 7,1 магнитудали кучли зилзила юз берганди. Табиий офат оқибатида ҳалок бўлганлар сони 38 кишига етган. Бундан олдинги кучли зилзила эса Венесуелада кузатилганди. 24-июн куни мамлакатда кетма-кет содир бўлган иккита зилзила оқибатида 5200 дан ортиқ одам ҳалок бўлган. Зилзила магнитудалари 7 баллдан юқори бўлган.