Мирзо Улуғбек туманида БЙД ва Собалт тўқнашди
Тошкентнинг Мирзо Улуғбек туманида БЙД ва Собалт автомобиллари иштирокида йўл-транспорт ҳодисаси содир бўлди. Ҳодиса юзасидан суриштирув ҳаракатлари олиб борилмоқда.
Мирзо Улуғбек туманида БЙД ва Собалт тўқнашуви юз берди
20-сентабр куни соат 21:30 лар атрофида Мирзо Улуғбек туманидаги Мирзо Улуғбек ва Шукур Бурхонов кўчалари кесишган чорраҳада икки автомобил тўқнашди.
Тошкент шаҳар ИИББ ЙҲХБ ахборот хизмати берган маълумотга кўра, 2004-йилда туғилган ҳайдовчи бошқарувидаги БЙД автомобили 1981-йилда туғилган ҳайдовчи бошқарган Собалт билан урилган.
Ҳозирча ҳодиса оқибатида жабрланганлар бор-йўқлиги ҳамда автомобилларга етган зарар миқдори ҳақида маълумот берилмаган.
Мазкур ҳолат юзасидан Тошкент шаҳар ИИББ ЙҲХБ масъул ходимлари суриштирув ишларини олиб бормоқда.
ЙҲХБ ҳайдовчиларни йўл ҳаракати қоидаларига қатъий амал қилишга чақирди.