Мирзиёев болаларни кибербуллинг ва интернетдаги эксплуатациядан ҳимоя қилишни кучайтиришга чақирди
Ўзбекистон Президенти Шавкат Мирзиёев болалар учун хавфсиз рақамли муҳитни яратиш бўйича халқаро ҳамкорликни кучайтиришни таклиф этди. У, шунингдек, қарорлар қабул қилишда болаларнинг ўзларининг фикрини ҳисобга олиш зарурлигини таъкидлади. «Биз кибербуллинг, болаларни эксплуатация қилиш ва уларнинг шахсий маълумотларини суиистеъмол қилишга қарши курашда ҳамкорликни кучайтиришимиз керак», — дейилади давлат раҳбарининг Бутунжаҳон фаровонлик саммити иштирокчиларига йўллаган мурожаатида […]
Мирзиёев болаларни кибербуллинг ва интернетдаги эксплуатациядан ҳимоя қилишни кучайтиришга чақирди
Ўзбекистон Президенти Шавкат Мирзиёев болалар учун хавфсиз рақамли муҳитни шакллантириш йўлида халқаро ҳамкорликни мустаҳкамлаш ташаббуси билан чиқди. У, шунингдек, қарорлар қабул қилишда болаларнинг ўзларининг фикрини ҳисобга олиш зарурлигини таъкидлади.
«Биз кибербуллинг, болалар эксплуатацияси ва уларнинг шахсий маълумотларини суиистеъмол қилишга қарши курашда ҳамкорликни кучайтиришимиз керак», — дейилади давлат раҳбарининг Самарқанддаги Болалар фаровонлиги масалалари бўйича бутунжаҳон саммити иштирокчиларига йўллаган мурожаатида.
Мирзиёев таъкидлаганидек, болалар ўз ҳаётига таъсир қилувчи қарорлар ва хизматлар ҳақида ўз фикрини эркин ва хавфсиз билдириш имкониятига эга бўлиши керак. Бундай иштирок ихтиёрий бўлиши ва боланинг ёшига мос келиши лозим.
Президент, шунингдек, болалар ҳуқуқларини ҳимоя қилиш бўйича тажриба алмашиш ва қўшма ташаббусларни тайёрлаш учун Самарқанд платформасини ривожлантиришни таклиф этди.