Миллионлаб доллар ҳам тöхтатолмаган Абдул Ал-Саид АҚŞнинг илк мусулмон сенатори бöлиşи мумкин
АҚŞда 3-ноябр кунги сайловларнинг энг муҳим пойгаларидан бири Миçиганда кеçяпти. Президент Доналд Трамп Ал-Саидни «жиҳодçи» деб атаган, собиқ президент Барак Обама эса уни қöллаб, сайлаşга çақирди.
Миллионлаб доллар ҳам тўхтата олмаган Абдул Ал-Саид АҚШнинг илк мусулмон сенатори бўлиши мумкин
АҚШдаги оралиқ сайловлар президентлик муддатининг ўртасида ўтади ва Конгресс таркибини белгилайди. Бу йил Вакиллар палатасидаги барча 435 ўрин ҳамда Сенатдаги 100 ўриндан 35 таси учун овоз берилади, қатор штатларда губернаторлар ҳам сайланади. Ҳозир Сенатда 53 ўрин республикачиларга тегишли. Кўпчилик учун демократлар ўз ўринларини сақлаб, яна тўрттасини тортиб олиши керак.
Мичиган бу сайловларда алоҳида ўрин тутади. Штатдаги ўрин демократ сенатор Гери Питерс 2025-йил январида қайта сайланмаслигини маълум қилгани учун бўшамоқда. Бу ерда Сенатдаги бўш ўрин учун демократ, соғлиқни сақлаш соҳасидаги собиқ мансабдор Абдул Ал-Саид ва республикачи, собиқ конгрессмен Майк Роджерс курашмоқда.
Сўнгги сўровномалар Ал-Саид олдинда эканини кўрсатмоқда. Нев Ёрк Тимес ва Сиена университетининг 1-ноябрда эълон қилинган якуний сўровида Ал-Саид 53 фоиз, Роджерс 42 фоиз овоз олган.
Ал-Саид сиёсатга тиббиёт ва жамоат саломатлиги соҳасидан кириб келган. У 1984-йилда Мичиганда, Мисрдан кўчиб келган муҳожирлар оиласида туғилган. Мичиган университетини битирган, Оксфордда жамоат саломатлиги бўйича докторлик даражасини, Колумбия университетида эса тиббиёт дипломини олган.
2015-йилда Детройт мери уни шаҳар соғлиқни сақлаш департаментига раҳбар этиб тайинлаган. 2018-йилда эса губернаторликка номзод бўлиб, партия ичидаги дастлабки сайлов — праймеризда ҳозирги губернатор Гретчен Уитмерга ютқазган. Сўнг подкаст, китоб ва телевидение орқали аудиториясини кенгайтирди.
Питерс Сенатдан кетишини маълум қилгач, Ал-Саид 2025-йил апрелида Сенатга номзодлигини эълон қилди.
«Дунёдаги энг бой ва энг қудратли мамлакатда яшаб қолиш ҳаддан ташқари қийин. Кун кўриш бунчалик оғир бўлмаслиги керак», деганди у ўшанда АПъга. Уни биринчи кундан сенатор Берни Сандерс, 2026-йил июлидан эса Вакиллар палатаси аъзоси Александрия Окасио-Кортес қўллаб-қувватлаб келмоқда.
4-августдаги праймеризда Ал-Саид ўз партиядоши, Вакиллар палатаси аъзоси Ҳейли Стивенсни бир фоиздан камроқ фарқ билан ортда қолдирди.